جمعہ 03 دسمبر 2021 - 2:43:31 صبح

دبئی رن میں دسیوں ہزاروں افراد 26 نومبرکو شیخ زاید روڈ پر دوڑنے کیلئے تیار


دبئی، 20 اکتوبر، 2021 (وام) ۔۔ دبئی رن جمعہ 26 نومبر کو شیخ زاید روڈ پر دوبارہ شروع ہونے کے لیے تیار ہےاور اس اہم ایونٹ کے لیے رجسٹریشن اب ہر عمر اور صلاحیتوں کے دوڑنے والوں کے لیے کھلی ہے۔ پچھلے دو سالوں میں دبئی رن کی کامیابی کے بعد دسیوں ہزاروں لوگوں کے شہر کے اس عظیم ٹریک پر دوڑنے کی توقع ہے۔ پانچ کلومیٹر کا روٹ خاص طور پر فیمیلز کے لیے اور 10 کلومیٹر کا راستہ تفریحی اور پیشہ ور دوڑنے والوں کے لیے مختص ہے۔ اس دوڑ کا انعقاد نائب صدر، وزیر اعظم اور دبئی کے حکمران شیخ محمد بن راشد آل مکتوم کی ہدایات کے مطابق کیا گیاہے تاکہ شہر کو دنیا کا سب سے فعال میٹروپولیس بنا کر کام کرنے، سیر کرنے اور رہنے کے لیے دنیا کا بہترین شہر بنایا جائے۔ مستقبل کے میوزیم سے شروع ہونے والی اس دوڑ کے شرکاء دبئی ورلڈ ٹریڈ سینٹر کے قریب المستقبل اسٹریٹ پر اختتامی لائن عبور کرنے سے پہلے دبئی کے کچھ ممتاز مقامات بشمول امارات ٹاورز اور ڈاون ٹاؤن دبئی کو عبور کریں گے۔ 10 کلومیٹر کے راستے پر دوڑنے والے دبئی مال، برج خلیفہ اور شیخ محمد بن راشد بلیوارڈ سے گزریں گے۔ اس سال دبئی رن کے لیے تیار ہونے کے بہت سارے مواقع موجود ہیں۔اکتوبر اور نومبر میں شہر بھر میں وارم اپ ایونٹس ہو رہے ہیں۔ ان میں دبئی اکیڈمک سٹی رن، دبئی ساؤتھ رن، سی بی ڈی رن آن دی پام اور دبئی ڈیزائن ڈسٹرکٹ رن کے ساتھ ساتھ 30 اکتوبر کو ہالووین کے لیے خصوصی رن اور 19 نومبر کو ایکسپو 2020 دبئی رن شامل ہیں۔ دبئی رن کے لیے رجسٹر ہونے والے رنرز کو ایک محدود ایڈیشن دبئی رن ٹی شرٹ ملے گی۔ دبئی فیسٹیولز اور ریٹیل اسٹیبلشمنٹ کے سی ای او احمد الخجا نے کہا کہ دبئی رن ہر اس چیز کی علامت ہے جس کے لیے دبئی فٹنس چیلنج کھڑا ہے۔ یہ ایک ایسا ایونٹ ہے جہاں ہر کوئی اپنی عمر یا دوڑنے کی صلاحیت کے ساتھ شامل ہو سکتا ہے۔ انہوں نے کہا کہ ہم واکرز یا رنرز، شرکاء کو خوش آمدید کہتے ہیں۔ انہوں نے کہا کہ شیخ زاید روڈ پر دوڑنا ایک ایسا تجربہ ہے جہاں یادیں بنیں گی اور میں جمعہ 26 نومبر کو سٹارٹ لائن پر شہریوں، رہائشیوں اور سیاحوں کو دیکھنے کامنتظر ہوں۔ دبئی اسپورٹس کونسل کے سیکرٹری جنرل سعید حریب نے کہا کہ دبئی رن دبئی فٹنس چیلنج ایونٹس کے سالانہ کیلنڈر میں ایک اہم ایونٹ بن گیا ہے۔ دسیوں ہزاروں شرکاء کے ساتھ گزشتہ سال بڑی کامیابی کے بعد ہم اس سے بھی ہر عمر، قومیت اور صلاحیتوں کے ساتھ ساتھ پیشہ ور اور شوقیہ دوڑ کے کھیلوں اور فٹنس کے شوقین افراد کے ساتھ زیادہ شرکاء کی توقع کررہے ہیں۔ کمیونٹی کے دس لاکھ سے زائد ارکان کے اس رن میں حصہ لینے کی توقع ہے۔ تمام ڈی ایف سی سرگرمیاں کوویڈ 19 کے قواعد و ضوابط اور سماجی دوری کے احکامات کی تعمیل کریں گی۔ شرکاء کو حوصلہ افزائی کی جاتی ہے کہ وہ اپنی حفاظت کے بارے میں ہدایات پر عمل کریں ۔ ترجمہ: ریاض خان ۔ http://wam.ae/en/details/1395302983198

WAM/Urdu