അബുദാബി, 2024 ജനുവരി 24, (WAM) – യുഎംഇഎക്സ്, സിംടെക്സ് 2024 ആറാം പതിപ്പിന്റെ രണ്ടാം ദിവസം, പ്രതിരോധ മന്ത്രാലയത്തിന് വേണ്ടി മൊത്തം 939 ദശലക്ഷം യുഎഇ ദിർഹം മൂല്യമുള്ള കരാറുകൾ ഒപ്പുവെച്ചതായി തവാസുൻ കൗൺസിലിലെ കോർപ്പറേറ്റ് കമ്മ്യൂണിക്കേഷൻ മേധാവി മോന അഹമ്മദ് അൽ ജാബർ, മുതിർന്ന ഉദ്യോഗസ്ഥർ, പ്രാദേശിക മാധ്യമ പ്രതിനിധികൾ എന്നിവരുടെ സാന്നിധ്യത്തിൽ തവാസുൻ കൗൺസിലിന്റെ ഔദ്യോഗിക വക്താവ് സായിദ് സയീദ് അൽ മെറൈഖി നടത്തിയ വാർത്താ സമ്മേളനത്തിൽ അറിയിച്ചു.
പ്രതിരോധ മന്ത്രാലയത്തിനായുള്ള യുഎഇ പ്രതിരോധ, സുരക്ഷാ ഏറ്റെടുക്കൽ അതോറിറ്റിയായ തവാസുൻ കൗൺസിൽ ഒപ്പുവെച്ച അഞ്ച് കരാറുകളുടെ പ്രഖ്യാപനത്തിന് രണ്ടാം ദിവസം സാക്ഷ്യം വഹിച്ചു. ഇതിലൂടെ ആദ്യ രണ്ട് ദിവസങ്ങളിൽ പ്രഖ്യാപിച്ച കരാറുകളുടെ ആകെ എണ്ണം 10 കരാറുകളും കരാറുകളുടെ ആകെ മൂല്യം 1.9 ബില്യൺ യുഎഇ ദിർഹവും എത്തി.
യുഎംഇഎക്സ്, സിംടെക്സ് 2024-ന്റെ രണ്ടാം ദിനത്തിലെ മൊത്തം പ്രാദേശിക കരാറുകളുടെ എണ്ണം, എഡ്ജുയുമായുള്ള രണ്ട് കരാറുകൾ ഉൾപ്പെടെ, 939 ദശലക്ഷം ദിർഹം മൂല്യമുള്ള മൂല്യമുള്ള അഞ്ച് കരാറുകളിൽ എത്തിയതായി സായിദ് അൽ മെറൈഖി പറഞ്ഞു. ആദ്യത്തേത് ഡ്രോൺ സംവിധാനങ്ങൾ വാങ്ങുന്നതിനുള്ള 220 ദശലക്ഷം യുഎഇ ദിർഹം കരാറാണ്, കൂടാതെ സാങ്കേതിക പിന്തുണ പരിശീലന സേവനങ്ങൾ നൽകുകയും ചെയ്യുന്നു, രണ്ടാമത്തേത് 708 ദശലക്ഷം യുഎഇ ദിർഹം മൂല്യത്തിൽ പ്രതിരോധ സംവിധാനങ്ങൾക്കുള്ള ആന്റി ഡ്രോൺ തോക്കുകൾ വാങ്ങുന്നതിനുള്ള കരാറാണ്.
ശേഷിക്കുന്ന ഡീലുകളിൽ നാഷണൽ സെന്റർ ഓഫ് മെറ്റീരിയോളജിയുമായുള്ള 639,000 യുഎഇ ദിർഹം മൂല്യമുള്ള കരാറും 8 ദശലക്ഷം യുഎഇ ദിർഹത്തിന് റോബോട്ടുകൾ വാങ്ങുന്നതിനുള്ള ഗൾഫ് യുണൈറ്റഡ് ഇന്റഗ്രേറ്റഡ് മൾട്ടിടെക് സൊല്യൂഷനുമായുള്ള മറ്റൊരു കരാറും ഉൾപ്പെടുന്നു.
കമ്മ്യൂണിക്കേഷൻ ബാൻഡുകൾ നൽകുന്നതിനായി സ്റ്റാർ ലിംഗ് സ്പേഷ്യൽ കമ്മ്യൂണിക്കേഷൻസുമായി 2 മില്യൺ യുഎഇ ദിർഹം മൂല്യമുള്ള കരാർ ഒപ്പിട്ടു.
"ദേശീയ കഴിവുകളാൽ നയിക്കപ്പെടുന്ന ഒരു അത്യാധുനിക പ്രതിരോധ വ്യവസായം വികസിപ്പിക്കാൻ രാജ്യം ആത്മവിശ്വാസത്തോടെ മുന്നേറുന്നതിനാൽ എമിറാത്തി പ്രതിരോധ വ്യവസായങ്ങൾ കൈവരിച്ച നേട്ടങ്ങളിൽ ഞങ്ങൾ അഭിമാനിക്കുന്നു. ഈ മേഖല സമഗ്രവും ഫലപ്രദവുമായ പരിഹാരങ്ങൾ വാഗ്ദാനം ചെയ്യും, ഒരു പ്രാദേശിക കേന്ദ്രമെന്ന നിലയിൽ യുഎഇയുടെ സ്ഥാനം കൂടുതൽ ദൃഢമാക്കും." അൽ മെറൈഖി പറഞ്ഞു.
“പ്രതിരോധം, സുരക്ഷ എന്നീ മേഖലകളിലെ സിമുലേഷൻ, പരിശീലനം, അൺമാൻഡ് സംവിധാനങ്ങൾ എന്നിവയിലെ മുന്നേറ്റങ്ങൾ ഉയർത്തിക്കാട്ടുന്നതിനുള്ള ഒരു പ്ലാറ്റ്ഫോം യുഎംഇഎക്സ്, സിംടെക്സ് 2024 പ്രദാനം ചെയ്യുന്നു. ഈ മേഖലകളുടെ ശ്രദ്ധേയവും ദ്രുതഗതിയിലുള്ളതുമായ വികസനം വ്യാവസായിക മേഖലയെ ഉത്തേജിപ്പിക്കാൻ ലക്ഷ്യമിട്ടുള്ള സംരംഭങ്ങൾക്ക് സംഭാവന നൽകുന്നു, ” അദ്ദേഹം കൂട്ടിച്ചേർത്തു.
WAM/അമൃത രാധാകൃഷ്ണൻ