അബുദാബി, 30 ജനുവരി, 2024 (WAM) -- സിബിയുഎഇയുടെ 50-ാം വാർഷികത്തോടനുബന്ധിച്ച് നടന്ന ആഘോഷങ്ങളിൽ ഉപരാഷ്ട്രപതിയും, ഉപപ്രധാനമന്ത്രി, പ്രസിഡൻഷ്യൽ കോടതി ചെയർമാനും യുഎഇ സെൻട്രൽ ബാങ്ക് ബോർഡ് ചെയർമാനുമായ ശൈഖ് മൻസൂർ ബിൻ സായിദ് അൽ നഹ്യാൻ പങ്കെടുത്തു.
എമിറേറ്റ്സ് ഇൻസ്റ്റിറ്റ്യൂട്ട് ഓഫ് ഫിനാൻസിൽ ഉയർന്ന തലത്തിലുള്ള പരിശീലനം പൂർത്തിയാക്കിയ ‘എത്ര’ പ്രോഗ്രാമിൽ നിന്ന് 1,056 പുരുഷന്മാരും സ്ത്രീകളും അടങ്ങുന്ന ആദ്യ ബാച്ചിൻ്റെ ബിരുദദാനത്തിനും അദ്ദേഹം സാക്ഷിയായി. വികസിത ദേശീയ ശേഷികൾ കെട്ടിപ്പടുക്കുന്നതിലൂടെയും യുഎഇയിലെ ബിസിനസ് മേഖലകളെ നയിക്കാൻ കഴിവുള്ള ദേശീയ വൈദഗ്ധ്യത്തിൻ്റെ ഒരു തലമുറയെ യോഗ്യരാക്കുന്നതിലൂടെയും സാമ്പത്തിക മേഖലയിൽ എമിറാത്തി പ്രാതിനിധ്യം വളർത്താൻ എത്ര പ്രോഗ്രാം ലക്ഷ്യമിടുന്നു.
അബുദാബി നാഷണൽ എക്സിബിഷൻ സെൻ്ററിൽ നടന്ന ആഘോഷത്തിൽ ശൈഖ് സുറൂർ ബിൻ മുഹമ്മദ് അൽ നഹ്യാൻ; ദേശീയ മാധ്യമ ഓഫീസ് ചെയർമാൻ ശൈഖ് അബ്ദുല്ല ബിൻ മുഹമ്മദ് അൽ ഹമദ്, സിബിയുഎഇ ഗവർണർ ഡോ.ഖാലിദ് മുഹമ്മദ് ബാലാമയും, കൂടാതെ മുതിർന്ന ഉദ്യോഗസ്ഥരും പങ്കെടുത്തു.
50 വർഷത്തിലേറെയായി സിബിയുഎഇ സാക്ഷ്യം വഹിച്ച പുരോഗതിയും വികസന യാത്രയും ചടങ്ങിൽ പ്രദർശിപ്പിച്ചു. ഈ കാലയളവിൽ യുഎഇയുടെ സാമ്പത്തിക, പണ സ്ഥിരത ശക്തിപ്പെടുത്തുന്നതിനും സാമ്പത്തിക വളർച്ചയുടെ ചക്രം നയിക്കുന്നതിനും അപെക്സ് ബാങ്ക് സംഭാവന നൽകി. ആഗോളതലത്തിൽ മുൻനിര സെൻട്രൽ ബാങ്കുകൾക്കൊപ്പം എത്താൻ സിബിയുഎഇയെ പ്രാപ്തമാക്കുക എന്ന ലക്ഷ്യത്തോടെയുള്ള വിപുലമായ തന്ത്രത്തിൻ്റെ ഭാഗമായി സാമ്പത്തിക സേവന മേഖലയിലെ ഡിജിറ്റൽ പരിവർത്തനം ത്വരിതപ്പെടുത്തുന്നതിന് ഫിനാൻഷ്യൽ ഇൻഫ്രാസ്ട്രക്ചർ ട്രാൻസ്ഫോർമേഷൻ പ്രോഗ്രാമിൻ്റെ ഭാഗമായി സിബിയുഎഇയുടെ അനുബന്ധ സ്ഥാപനങ്ങൾ നടപ്പിലാക്കുന്ന നൂതന പദ്ധതികളുടെ ഒരു പാക്കേജ് സമാരംഭിക്കുന്നതിന് പുറമേയാണിത്.
ആഗോള സാമ്പത്തിക കേന്ദ്രമെന്ന നിലയിൽ യുഎഇയുടെ സ്ഥാനം ശക്തിപ്പെടുത്തുന്നത് തുടരാനുള്ള നേതൃത്വത്തിൻ്റെ താൽപ്പര്യം ശൈഖ് മൻസൂർ സ്ഥിരീകരിച്ചു. സാമ്പത്തിക വളർച്ചയെ പ്രോത്സാഹിപ്പിക്കുന്നതിനും രാജ്യത്തെ വികസന ശ്രമങ്ങൾ മുന്നോട്ട് പോകുന്നതിനും പുറമേ, സാമ്പത്തികമായ സ്ഥിരത ഏകീകരിക്കുന്നതിലും സാമ്പത്തിക വ്യവസ്ഥയിൽ കാര്യക്ഷമതയും വഴക്കവും കൈവരിക്കുന്നതിലും സെൻട്രൽ ബാങ്കിന്റെ പങ്ക് അദ്ദേഹം ചൂണ്ടിക്കാട്ടി.
"വിവിധ മേഖലകളിൽ ആവശ്യമായ വൈദഗ്ധ്യവും അറിവും നൽകി യുഎഇ ദേശീയ കേഡർമാരെ സജ്ജരാക്കുന്നതിലൂടെ, ഈ പ്രൊഫഷണലുകൾ സാമ്പത്തിക മേഖലയെ ശക്തിപ്പെടുത്തുന്നതിലും രാജ്യത്തിൻ്റെ പുരോഗതിയിലേക്ക് സംഭാവന ചെയ്യുന്നതിലും നിർണായക പങ്ക് വഹിക്കും," എന്ന് മികച്ച അന്താരാഷ്ട്ര സമ്പ്രദായങ്ങൾക്ക് അനുസൃതമായി യുഎഇ ദേശീയ കേഡർമാരെ ശാക്തീകരിക്കുന്നതിനുള്ള നേതൃത്വത്തിൻ്റെ പ്രതിബദ്ധത അടിവരയിട്ട് കൊണ്ട് ശൈഖ് മൻസൂർ പറഞ്ഞു.
ഈ അവസരത്തിൽ, സെൻട്രൽ ബാങ്കിലെയും എമിറേറ്റ്സ് ഇൻസ്റ്റിറ്റ്യൂട്ട് ഓഫ് ഫിനാൻസിലെയും എല്ലാ ജീവനക്കാരെയും എത്ര പ്രോഗ്രാമിൻ്റെ ആദ്യ ബാച്ചിലെ ബിരുദധാരികളെയും ശൈഖ് മൻസൂർ അഭിനന്ദിച്ചു.
ഈ അവസരത്തിൽ സെൻട്രൽ ബാങ്കിൻ്റെ അനുബന്ധ സ്ഥാപനങ്ങൾ സ്ഥാപിച്ച നൂതന പദ്ധതികളുടെ പവലിയൻ്റെ പ്രദർശനങ്ങളെക്കുറിച്ച് ശൈഖ് മൻസൂർ വിശദീകരിച്ചു. ദേശീയ ഗാർഹിക കാർഡ് സ്കീം പ്രവർത്തിപ്പിക്കുന്നതിനുള്ള പദ്ധതി അൽ ഇത്തിഹാദ് പേയ്മെൻ്റ്സ് ആരംഭിക്കുന്നതിനും അദ്ദേഹം സാക്ഷിയായി.
സെൻട്രൽ ബാങ്കിൻ്റെ ഡിജിറ്റൽ കറൻസിയായ 'ഡിജിറ്റൽ ദിർഹം' ചൈനയുമായി നേരിട്ട് "എംബ്രിഡ്ജ്" മുഖേനയുള്ള ആദ്യത്തെ ക്രോസ്-ബോർഡർ പേയ്മെന്റും ചടങ്ങിൽ നടത്തി.
തൽക്ഷണം ഫണ്ട് ട്രാൻസ്ഫർ ചെയ്യുന്നതിനുള്ള വേഗതയേറിയതും സൗകര്യപ്രദവും സുരക്ഷിതവുമായ മാർഗ്ഗം വാഗ്ദാനം ചെയ്യുന്നതിനായി കഴിഞ്ഞ വർഷം ഒക്ടോബറിൽ അൽ എത്തിഹാദ് പേയ്മെൻ്റ് ആരംഭിച്ച 'അനി' എന്ന തൽക്ഷണ പേയ്മെൻ്റ് പ്ലാറ്റ്ഫോം നൽകുന്ന സേവനങ്ങളെക്കുറിച്ചും ശൈഖ് മൻസൂർ വിശദീകരിച്ചു,
കൂടാതെ, സാമ്പത്തിക ആവാസവ്യവസ്ഥയിലുടനീളം ഡാറ്റ ബന്ധിപ്പിക്കാനും പങ്കിടാനും ഉപഭോക്താക്കളെ പ്രാപ്തരാക്കുന്ന 'ഓപ്പൺ ഫിനാൻസ്' സമാരംഭിക്കുന്നതിനും ചടങ്ങ് സാക്ഷ്യം വഹിച്ചു. മിഡിൽ ഈസ്റ്റിലെയും നോർത്ത് ആഫ്രിക്കയിലെയും ബാങ്കിംഗ്, ഇൻഷുറൻസ് തർക്കങ്ങൾ പരിഹരിക്കുന്നതിനുള്ള ആദ്യത്തെ സ്വതന്ത്ര യൂണിറ്റായ 'സനാദക്' അറബിക് ഫോർ യുവർ സപ്പോർട്ട് എന്ന ഓംബുഡ്സ്മാൻ യൂണിറ്റിൻ്റെ വിഷ്വൽ ഐഡൻ്റിറ്റി ലോഞ്ചിംഗിലും അദ്ദേഹം പങ്കെടുത്തു.
സിബിയുഎഇയുടെ സുവർണ്ണ ജൂബിലിയെ അനുസ്മരിച്ചുകൊണ്ട്, നാണയത്തിൻ്റെ മുൻവശത്ത് യുഎഇ രാഷ്ട്രപതി ശൈഖ് മുഹമ്മദ് ബിൻ സായിദ് അൽ നഹ്യാനെയും, പിൻഭാഗത്ത് സെൻട്രൽ ബാങ്ക് കെട്ടിടവും ചിത്രീകരിക്കുന്ന സ്വർണ്ണത്തിലും വെള്ളിയിലും ഒരു സ്മാരക നാണയം ബാങ്ക് പുറത്തിറക്കി.
എല്ലാ മേഖലകളെയും ശാക്തീകരിക്കുന്നതിനും സമഗ്രമായ വളർച്ചയ്ക്ക് നേതൃത്വം നൽകുന്നതിനും വൈവിധ്യവും ഉൾക്കൊള്ളുന്നതുമായ സാമ്പത്തിക മേഖലയെ പരിപോഷിപ്പിക്കുന്നതിന് ശൈഖ് മൻസൂർ ബിൻ സായിദ് അൽ നഹ്യാൻ നൽകിയ പിന്തുണയെ യുഎഇ സെൻട്രൽ ബാങ്ക് ഗവർണർ ഖാലിദ് മുഹമ്മദ് ബാലമ തൻ്റെ ഉദ്ഘാടന പ്രസംഗത്തിൽ, പ്രശംസിച്ചു.
ഇന്ന് ആരംഭിച്ച നൂതന പദ്ധതികൾ നടപ്പാക്കുന്നത്തിലും, സാമ്പത്തിക അടിസ്ഥാന സൗകര്യങ്ങളിലെ ഡിജിറ്റൽ പരിവർത്തന പ്രക്രിയ മെച്ചപ്പെടുത്തുന്നതിനും ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിനും യുഎഇയിൽ ഡിജിറ്റൽ പരിവർത്തനം ത്വരിതപ്പെടുത്തുന്നതിനും ലക്ഷ്യമിടുന്നതായി അദ്ദേഹം ചൂണ്ടിക്കാട്ടി. എത്ര പ്രോഗ്രാമിൽ നിന്ന് യുഎഇ പൗരന്മാരുടെ ആദ്യ ബാച്ച് ബിരുദം നേടിയതിൽ അദ്ദേഹം അഭിമാനം പ്രകടിപ്പിക്കുകയും ചെയ്തു.
എമിറേറ്റ്സ് ഇൻസ്റ്റിറ്റ്യൂട്ട് ഓഫ് ഫിനാൻസും ഷാർജ ഡിപ്പാർട്ട്മെൻ്റ് ഓഫ് ഹ്യൂമൻ റിസോഴ്സസ്, ഹാർവാർഡ്, കൊളംബിയ സർവകലാശാലകളും തമ്മിലുള്ള മറ്റ് ധാരണാപത്രങ്ങൾക്ക് പുറമെ ഔമോലത്ത് സെക്യൂരിറ്റി പ്രിൻ്റിംഗ് കമ്പനിയും ഫെഡറൽ ടാക്സ് അതോറിറ്റിയും തമ്മിലുള്ള ധാരണാപത്ര കൈമാറ്റത്തിനും ചടങ്ങ് സാക്ഷ്യം വഹിച്ചു.
WAM/അമൃത രാധാകൃഷ്ണൻ