അബുദാബി, 2 ഫെബ്രുവരി 2024 (WAM) -- വിദേശകാര്യ മന്ത്രി ശൈഖ് അബ്ദുല്ല ബിൻ സായിദ് അൽ നഹ്യാനും അർജൻ്റീന വിദേശകാര്യ, അന്താരാഷ്ട്ര വ്യാപാര മന്ത്രി ഡയാന എലീന മൊണ്ടിനോയും ഇരു രാജ്യങ്ങളും തമ്മിലുള്ള ഉഭയകക്ഷി ബന്ധത്തെക്കുറിച്ച് ചർച്ച ചെയ്തു.
സാമ്പത്തികം, വികസനം, വ്യാപാരം തുടങ്ങി വിവിധ മേഖലകളിൽ ഇരു രാജ്യങ്ങളും തമ്മിലുള്ള സംയുക്ത സഹകരണത്തിൻ്റെ പുരോഗതിയും രണ്ട് ഉന്നത നയതന്ത്രജ്ഞരും അവലോകനം ചെയ്തു.
അർജൻ്റീനയുമായുള്ള സഹകരണ ബന്ധം ശക്തിപ്പെടുത്തുന്നതിന് ലഭ്യമായ എല്ലാ അവസരങ്ങളും പര്യവേക്ഷണം ചെയ്യാനുള്ള യുഎഇയുടെ താൽപ്പര്യം ശൈഖ് അബ്ദുല്ല സ്ഥിരീകരിച്ചു, ഇരു രാജ്യങ്ങളുടെയും പരസ്പര താൽപ്പര്യങ്ങൾ നിറവേറ്റുകയും അവരുടെ വികസന ലക്ഷ്യങ്ങളെ പിന്തുണയ്ക്കുകയും ചെയ്യുന്നു.
WAM/അമൃത രാധാകൃഷ്ണൻ