ദുബായ്, 2024 ഫെബ്രുവരി 12, (WAM) -- ശരാശരി ആഗോള താപനില വർദ്ധനവ് 1.5 ഡിഗ്രി സെൽഷ്യസിൽ താഴെയായി നിലനിർത്താനുള്ള പദ്ധതിയുടെ രൂപരേഖ നൽകുന്ന ചരിത്രപരമായ നടപടികളുടെ ഒരു കൂട്ടമായ കോപ്28 പ്രസിഡൻസിയുടെ യുഎഇ സമവായം, ആഗോള കാലാവസ്ഥ അഭിലാഷത്തിൻ്റെയും സുസ്ഥിര വികസനത്തിൻ്റെയും നിർണായക പോയിൻ്റായി മാറിയിരിക്കുന്നു.
യുഎഇ സമവായം എല്ലാ രാജ്യങ്ങൾക്കും 1.5 ഡിഗ്രി സെൽഷ്യസ് പരിധിയിൽ നിലനിർത്താൻ വ്യക്തമായ നിർദ്ദേശം നൽകുന്നുവെന്ന് ദുബായിൽ നടന്ന വേൾഡ് ഗവൺമെൻ്റ് ഉച്ചകോടിയിൽ സംസാരിച്ച വ്യവസായ, നൂതന സാങ്കേതികവിദ്യ മന്ത്രിയും കോപ്28 പ്രസിഡൻ്റുമായ ഡോ. സുൽത്താൻ ബിൻ അഹമ്മദ് അൽ ജാബർ, അഭിപ്രായപ്പെട്ടു. ആഗോളതലത്തിലുള്ള നടപ്പാക്കൽ ഉറപ്പാക്കാൻ തുടർനടപടികൾ സ്വീകരിക്കാൻ കക്ഷികൾ തയ്യാറാകണമെന്നും അദ്ദേഹം കൂട്ടിച്ചേർത്തു.
“ഈ കരാർ ട്രാക്ഷൻ ലഭിക്കണമെങ്കിൽ, നമുക്ക് വലിയ തോതിലുള്ള നടപടി ആവശ്യമാണ്, അതിനായി
ഇപ്പോൾ തന്നെ കഠിനാധ്വാനം ആരംഭിക്കണം,” ഡോ. അൽ ജാബർ പറഞ്ഞു.
“അഭൂതപൂർവമായ ഒരു കരാറിനെ അഭൂതപൂർവമായ പ്രവർത്തനമാക്കി മാറ്റാൻ കഴിയുമെന്ന് നമ്മൾ കാണിക്കേണ്ടതുണ്ട്. നമ്മൾ ചെയ്യുന്നത് എന്താണോ അതാണ് നമ്മൾ, നമ്മൾ പറയുന്നതല്ല," അദ്ദേഹം തുടർന്നു.
അന്താരാഷ്ട്ര നാണയ നിധി പ്രസിഡൻ്റ് ക്രിസ്റ്റലീന ജോർജീവ, യുഎൻ കാലാവസ്ഥാവ്യതിയാന എക്സിക്യൂട്ടീവ് സെക്രട്ടറി സൈമൺ സ്റ്റീൽ, കോപ്29 നിയുക്ത പ്രസിഡൻ്റ് മുഖ്താർ ബാബയേവ്, ജോർദാനിലെയും ബംഗ്ലാദേശിലെയും പരിസ്ഥിതി മന്ത്രിമാർ എന്നിവരോടൊപ്പം 'യുഎഇ സമവായം ആഗോള കരാറിൽ നിന്ന് പ്രവർത്തനത്തിലേക്ക്' എന്ന പാനലിൻ്റെ ഭാഗമായി സംസാരിക്കുമ്പോഴാണ് ഡോ. അൽ ജാബർ ഇപ്രകാരം അഭിപ്രായപ്പെട്ടത്.
കോപ്28 പ്രസിഡൻ്റ് അഭൂതപൂർവമായ കരാറിൻ്റെ വ്യത്യസ്ത പരിവർത്തന നേട്ടങ്ങൾ, വിജയം നൽകുന്നതിനുള്ള നിർണായക ഘടകങ്ങൾ, അഭൂതപൂർവമായ പ്രവർത്തനം, 1.5 ഡിഗ്രി സെൽഷ്യസ് പരിധിയിൽ നിലനിർത്താൻ ഇനിയും എന്താണ് സംഭവിക്കേണ്ടത് എന്നിവ ചർച്ച ചെയ്തു.
ഡിസംബറിൽ ദുബായിൽ നടന്ന കോപ്28ൻ്റെ തുടക്കം മുതൽ, ബഹുരാഷ്ട്ര കാലാവസ്ഥ ചട്ടക്കൂടിൻ്റെ നിർവചിക്കുന്ന ഘടകമായി യുഎഇ സമവായം ഉയർന്നുവന്നു, ഉയർന്ന ഭൗമരാഷ്ട്രീയ പിരിമുറുക്കത്തിൻ്റെ സമയത്തും ബഹുമുഖത്വത്തിന് ഇപ്പോഴും പ്രവർത്തിക്കാൻ കഴിയുമെന്ന് തെളിയിക്കുന്നു.
"ഗ്രഹത്തിനും എല്ലാ ആളുകൾക്കും പുരോഗതി കൈവരിക്കാൻ ഞങ്ങൾ ജിയോപൊളിറ്റിക്സിന് മുകളിൽ ഉയർന്നു," ഡോ. അൽ ജാബർ പറഞ്ഞു.
ഇൻക്ലൂസിവിറ്റി അതിൻ്റെ മാർഗ്ഗനിർദ്ദേശ തത്വമായി, കോപ്28 ഒരു വിജയമായിരുന്നു. അത് എല്ലാവരേയും തുല്യ നിബന്ധനകളിൽ പങ്കിടാൻ അനുവദിക്കുകയും പ്രധാന രാജ്യങ്ങളായ യുഎസ്, ചൈന, ഇന്ത്യ, ഒപെക് പ്ലസ് എന്നിവയുമായുള്ള ബന്ധം പ്രയോജനപ്പെടുത്തുകയും ചെയ്തു.
ഇത് 30 ബില്യൺ യുഎസ് ഡോളർ ആൾട്ടെറ ഫണ്ടും സൃഷ്ടിച്ചു, ഇത് കാലാവസ്ഥാ പരിഹാരങ്ങളിൽ പൂർണ്ണമായും ശ്രദ്ധ കേന്ദ്രീകരിക്കുന്ന ആദ്യത്തെ സ്വകാര്യ നിക്ഷേപ ഫണ്ടാണ്.
അന്താരാഷ്ട്ര കാലാവസ്ഥയിലും വികസന അജണ്ടയിലും കൂടുതൽ വിശാലമായി ബഹുമുഖ ക്രമീകരണങ്ങളിലും ആഗോള നേതാവെന്ന നിലയിൽ യുഎഇയുടെ സ്ഥാനം വീണ്ടും ഉറപ്പിക്കുന്ന ഒരു സുപ്രധാന കരാറായി യുഎഇ സമവായം ഇപ്പോൾ അംഗീകരിക്കപ്പെട്ടിരിക്കുന്നു.
യുഎഇ സമവായത്തിന് കീഴിൽ, കോപ് ചരിത്രത്തിൽ ആദ്യമായി ഫോസിൽ ഇന്ധനങ്ങളിൽ നിന്ന് മാറുന്നതിനുള്ള അഭൂതപൂർവമായ കരാറിന് എല്ലാ കക്ഷികളും പ്രതിജ്ഞാബദ്ധമാണ്. ആഗോള ശേഷി മൂന്നിരട്ടിയാക്കുക, വനനശീകരണം അവസാനിപ്പിക്കുക, 2030-ഓടെ ഊർജ്ജ ശേഷി ഇരട്ടിയാക്കുകയെന്ന ലക്ഷ്യത്തോടെ പുനരുപയോഗ ഊർജം വിപുലീകരിക്കാൻ അവർ സമയബന്ധിതമായ ലക്ഷ്യങ്ങൾ നിശ്ചയിച്ചു.
"യുഎഇ സമവായത്തിൽ ഒപ്പുവച്ച എല്ലാ കക്ഷികളും അവരുടെ പ്രതിബദ്ധതകൾ നിറവേറ്റാനും അവരുടെ ബാധ്യതകൾ പാലിക്കാനും" ഡോ. അൽ ജാബർ ആഹ്വാനം ചെയ്തു.
യുഎഇ സമവായം പ്രവർത്തനക്ഷമമാക്കുകയും നഷ്ടവും നാശനഷ്ടവും പരിഹരിക്കാൻ ഒരു ഫണ്ടിന് ധനസഹായം നൽകുകയും ചെയ്തു. ഇൻക്ലൂസിവിറ്റി ലക്ഷ്യമാക്കിയുള്ള ആദ്യത്തേത് എന്ന നിലയിൽ, ഭാവിയിലെ എല്ലാ കോപ് ഉച്ചകോടികൾക്കും വേണ്ടി ഒരു യൂത്ത് ക്ലൈമറ്റ് ചാമ്പ്യനെ രൂപീകരിക്കാൻ തീരുമാനമായി.
എല്ലാ വ്യവസായങ്ങളും അവരുടെ സാങ്കേതികവിദ്യ, കഴിവുകൾ, ബാലൻസ് ഷീറ്റുകൾ എന്നിവ ഡീകാർബണൈസ് ചെയ്യുന്നതിനായി ഉപയോഗപ്പെടുത്തണമെന്ന് യുഎഇ സമവായം ആഹ്വാനം ചെയ്തു, കാലാവസ്ഥ ലക്ഷ്യങ്ങൾ കൈവരിക്കുന്നതിനുള്ള നിർണായക വിജയ ഘടകമായി കാലാവസ്ഥ ധനകാര്യം സ്ഥാപിക്കുകയും ചെയ്തു.
ആഗോള എണ്ണ ഉൽപ്പാദനത്തിൻ്റെ 40 ശതമാനവും 2030-ഓടെ പൂജ്യം മീഥേൻ ഉദ്വമനത്തിനും 2050-നോ അതിനുമുമ്പോ പൂജ്യത്തിനും പ്രതിജ്ഞാബദ്ധതയോടെ എണ്ണ, വാതക വ്യവസായത്തെ കുതിച്ചുയരാൻ ഇത് പ്രേരിപ്പിച്ചു.
കോപ്28 പ്രസിഡൻസി അർത്ഥവത്തായ ഒരു പ്രവർത്തന അജണ്ടയും സൃഷ്ടിച്ചു, അത് നീതിയും ചിട്ടയുമുള്ള ഊർജ പരിവർത്തനം, കാലാവസ്ഥാ ധനകാര്യം, ആളുകൾ, പ്രകൃതി, ജീവിതങ്ങൾ, ഉപജീവനമാർഗ്ഗങ്ങൾ എന്നിവയിൽ ശ്രദ്ധ കേന്ദ്രീകരിക്കൽ, ഉൾക്കൊള്ളൽ വളർത്തൽഎന്നിവയിൽ കേന്ദ്രീകരിച്ചു.
"നാം രാഷ്ട്രീയ ആക്കം നിലനിർത്തുകയും കോപ് തുടർച്ച തുടരുകയും വേണം. പങ്കാളിത്തത്തിലൂടെയാണ് പുരോഗതി കൈവരിക്കുന്നത്. ഐക്യദാർഢ്യത്തിലൂടെയാണ് പ്രവർത്തനം നിലനിൽക്കുന്നത്," ഡോ. അൽ ജാബർ പറഞ്ഞു.
തുടർച്ചയെ പ്രോത്സാഹിപ്പിക്കുന്നതിനായി, കോപ്28-നെ കോപ്29, കോപ്30 എന്നിവയുടെ പ്രസിഡൻസികളുമായി ഔദ്യോഗികമായി ബന്ധിപ്പിക്കുന്ന കോപ് പ്രസിഡൻസി ട്രോയിക്ക അസർബൈജാനും ബ്രസീലുമായി യുഎഇ ആരംഭിക്കുന്നു.
“ദുബായിൽ നിന്ന് ബാക്കുവിലേക്കും ബെലേമിലേക്കുമുള്ള പാതയിലെ ഓരോ നാഴികക്കല്ലും പ്രവർത്തനത്തെ ഇരട്ടിയാക്കാനും വാചാടോപത്തെ ഫലങ്ങളാക്കി മാറ്റാനും ഞങ്ങൾ ഉപയോഗിക്കണം,” അദ്ദേഹം പറഞ്ഞു.
ദേശീയതലത്തിൽ നിർണ്ണയിക്കപ്പെട്ട സംഭാവനകൾ വർധിപ്പിച്ചും, സമ്പദ്വ്യവസ്ഥയിലുടനീളം ഉദ്വമനം കുറച്ചും, കാലാവസ്ഥ നിക്ഷേപം വർദ്ധിപ്പിച്ചും രാജ്യങ്ങൾ ഇപ്പോൾ പിന്തുടരേണ്ടതുണ്ട്.
ഈ ലക്ഷ്യങ്ങൾ കൈവരിക്കുന്നതിന്, കാലാവസ്ഥ വെല്ലുവിളികളെ അവസരങ്ങളാക്കി മാറ്റുന്നതിനും പുതിയ വ്യവസായങ്ങളും പുതിയ തൊഴിലവസരങ്ങളും ഉള്ള സാമൂഹിക-സാമ്പത്തിക വളർച്ചയുടെ കുറഞ്ഞ കാർബൺ മോഡൽ സൃഷ്ടിക്കുന്നതിനും ഗവൺമെൻ്റുകൾ വ്യക്തമായ ചിന്താഗതി സ്വീകരിക്കണം.
പാനലിൽ, അഡ്നോക് സിഇഒ എന്ന നിലയിൽ ഡോ. അൽ ജാബർ, ഊർജത്തിൻ്റെ എല്ലാ രൂപങ്ങളിലുമുള്ള തൻ്റെ അനുഭവം ഒരു മുതൽക്കൂട്ടാണെന്നും ഊർജ മേഖലയെ മേശയിലേക്ക് കൊണ്ടുവരാനുള്ള തന്റെ കഴിവ് പ്രവർത്തന അജണ്ടയെ കൂടുതൽ അർത്ഥവത്തായതാക്കിയെന്നും അഭിപ്രായപ്പെട്ടു. 20450ഓടെ നെറ്റ് സിറോയാണ് അഡ്നോക് ലക്ഷ്യമിടുന്നതെന്ന് അദ്ദേഹം ചൂണ്ടിക്കാട്ടി.
“അവിടെയെത്താനുള്ള യാത്ര വ്യത്യസ്ത സ്ഥലങ്ങളിൽ വ്യത്യസ്ത വേഗതയിൽ സംഭവിക്കും. സമയമെടുക്കുന്ന ഒരു പരിവർത്തനത്തിൽ, ഏറ്റവും കുറഞ്ഞ കാർബൺ തീവ്രതയോടെ ഊർജ്ജ സുരക്ഷ നിലനിർത്തുന്നത് നിർണായകമാണ്," 2050-ഓടെ ലോകം നെറ്റ് സീറോ കൈവരിക്കേണ്ടതുണ്ട്. ഡോ. അൽ ജാബർ പറഞ്ഞു.
ഫോസിൽ ഇന്ധനങ്ങളിൽ നിന്ന് മാറാൻ ധാരണയിലെത്തിയ ആദ്യത്തെ കോപ് ഇതാണെന്ന് ഡോ. അൽ ജാബർ എടുത്തുപറഞ്ഞു.
"ധ്രുവീകരണവും പരസ്പരം വിരൽ ചൂണ്ടുന്നതും പുരോഗതിയെ നയിക്കില്ല. ഐക്യവും ഒറ്റക്കെട്ടായ പ്രവർത്തനവുമാണ് വേണ്ടത്. അതാണ് കോപ്28-ൻ്റെ സന്ദേശം," " ഡോ. അൽ ജാബർ പറഞ്ഞു.
WAM/അമൃത രാധാകൃഷ്ണൻ