ടോക്കിയോ, 29 ഫെബ്രുവരി 2024 (WAM) --ബിസിനസ്, അക്കാദമിക് സർക്കിളുകളിൽ നിന്നുള്ള അഭ്യർത്ഥനകൾക്ക് അനുസൃതമായി, രാജ്യത്ത് താമസിക്കാനും ജോലി കണ്ടെത്താനും അനുവദിച്ചിട്ടുള്ള വിദേശ വിദ്യാർത്ഥികളുടെ അവസരങ്ങൾ വർദ്ധിപ്പിക്കുന്നതിനായി വിസ ആവശ്യകതകളിൽ ഇളവ് വരുത്തിയതായി ജപ്പാൻ സർക്കാർ അറിയിച്ചു.
സർക്കാർ നിയുക്ത സാങ്കേതിക സ്ഥാപനങ്ങളിൽ നിന്ന് ബിരുദം നേടിയ വിദ്യാർത്ഥികളെ അവർ പഠിച്ച വിഷയങ്ങളുമായി ബന്ധമില്ലാത്ത പ്രൊഫഷനുകളിൽ പ്രവർത്തിക്കാൻ സർക്കാർ അനുവദിക്കുമെന്ന് ജാപ്പനീസ് ഇമിഗ്രേഷൻ സർവീസസ് ഏജൻസി പ്രസ്താവിച്ചതായി ക്യോഡോ ന്യൂസ് റിപ്പോർട്ട് ചെയ്തു.
പുതിയ നീക്കം ജപ്പാനിൽ ജോലി ചെയ്യുന്ന വിദേശ വിദ്യാർത്ഥികളുടെ എണ്ണം ഓരോ വർഷവും 3,000 ആയി ഉയർത്തുമെന്ന് ഏജൻസി റിപ്പോർട്ട് ചെയ്യുന്നു.
രാജ്യത്തെ ടെക്നിക്കൽ സ്കൂളുകളിൽ ചേർന്ന 2,000 വിദേശ വിദ്യാർത്ഥികളിൽ 75 ശതമാനം പേരും ജപ്പാനിൽ ജോലി ചെയ്യാൻ ആഗ്രഹിക്കുന്നുവെന്ന് 2021 സാമ്പത്തിക വർഷത്തിൽ നടത്തിയ ജപ്പാൻ സ്റ്റുഡൻ്റ് സർവീസസ് ഓർഗനൈസേഷൻ സർവേ റിപ്പോർട്ട് വ്യക്തമാക്കി.
WAM/അമൃത രാധാകൃഷ്ണൻ