അബുദാബി, 29 ഫെബ്രുവരി 2024 (WAM) -- ആഗോള തലത്തിൽ ജലക്ഷാമത്തിൻ്റെ അടിയന്തിര വെല്ലുവിളികളെ നേരിടാൻ യുഎഇ രാഷ്ട്രപതി ശൈഖ് മുഹമ്മദ് ബിൻ സായിദ് അൽ നഹ്യാൻ്റെ നിർദ്ദേശപ്രകാരം, മുഹമ്മദ് ബിൻ സായിദ് വാട്ടർ ഇനിഷ്യേറ്റീവിന് ഇന്ന് തുടക്കമായി.
ജലക്ഷാമ പ്രതിസന്ധിയുടെ തീവ്രതയെക്കുറിച്ചുള്ള അവബോധം വർദ്ധിപ്പിക്കുന്നതിനും അത് ഉയർത്തുന്ന വെല്ലുവിളികളെ നേരിടുന്നതിനുള്ള സാങ്കേതിക കണ്ടുപിടിത്തത്തിൻ്റെ വേഗത ത്വരിതപ്പെടുത്താൻ ലക്ഷ്യമിടുന്നതാണ് ഈ സംരംഭം. പ്രതിസന്ധി പരിഹരിക്കുന്നതിന് അന്താരാഷ്ട്ര സഹകരണത്തിൻ്റെ വ്യാപ്തി വിപുലീകരിക്കുകയും നിലവിലെയും ഭാവി തലമുറയുടെയും പ്രയോജനത്തിനായി നിക്ഷേപം നയിക്കുകയും ചെയ്യുക എന്നതാണ് സംരംഭത്തിന്റെ മറ്റൊരു ലക്ഷ്യം.
വിദേശകാര്യ മന്ത്രി ശൈഖ് അബ്ദുല്ല ബിൻ സായിദ് അൽ നഹ്യാനാണ് ഈ സംരംഭത്തിൻ്റെ അധ്യക്ഷൻ, എക്സിക്യൂട്ടീവ് അഫയേഴ്സ് അതോറിറ്റി ചെയർമാൻ ഖൽദൂൻ ഖലീഫ അൽ മുബാറകാണ് വൈസ് ചെയർമാൻ.
ബോർഡ് അംഗങ്ങളിൽ ഊർജ, അടിസ്ഥാന സൗകര്യ മന്ത്രി സുഹൈൽ ബിൻ മുഹമ്മദ് അൽ മസ്റൂയി, നിക്ഷേപ മന്ത്രി മുഹമ്മദ് ഹസൻ അൽ സുവൈദി, കാലാവസ്ഥാ വ്യതിയാന പരിസ്ഥിതി മന്ത്രി അംന ബിൻത് അബ്ദുല്ല അൽ ദഹക്ക് അൽ ഷംസി, പ്രസിഡൻഷ്യൽ കോടതിയിലെ ഇൻ്റർനാഷണൽ അഫയേഴ്സ് ഓഫീസ് മേധാവി മറിയം ബിൻത് മുഹമ്മദ് സയീദ് ഹരേബ് അൽ മെഹൈരി; അഡ്വാൻസ്ഡ് ടെക്നോളജി റിസർച്ച് കൗൺസിൽ സെക്രട്ടറി ജനറൽ ഫൈസൽ അബ്ദുൽ അസീസ് അൽ ബന്നായ്, വിദേശകാര്യ മന്ത്രാലയത്തിലെ ഊർജ, സുസ്ഥിരകാര്യ അസിസ്റ്റൻ്റ് മന്ത്രി, ഡേവിഡ് സ്കോട്ട്, എക്സിക്യൂട്ടീവ് അഫയേഴ്സ് അതോറിറ്റി ചെയർമാൻ്റെ ഉപദേശകൻ അബ്ദുല്ല അഹമ്മദ് ബലാല, ബ്രിഡ്ജ് വാട്ടർ അസോസിയേറ്റ്സിൻ്റെ സ്ഥാപകനായ റേ ഡാലിയോ എന്നിവർ ഉൾപ്പെടുന്നു.
WAM/അമൃത രാധാകൃഷ്ണൻ