അംജറാസ്, ഛാഡ്, 4 മാർച്ച് 2024 (WAM) -- ചാഡിയൻ നഗരമായ അംജറാസിലെ യുഎഇ മാനുഷിക സംഘം, സുഡാനീസ് അഭയാർത്ഥികൾക്കും നഗരത്തിലും ചുറ്റുമുള്ള ഗ്രാമങ്ങളിലുമുള്ള പ്രാദേശിക സമൂഹങ്ങൾക്കുമായി അതിൻ്റെ മാനുഷികവും ദുരിതാശ്വാസ പരിപാടികളും നടപ്പിലാക്കുന്നത് തുടരുന്നു.
റമദാൻ കാമ്പെയ്നിൻ്റെ ഭാഗമായി, എമിറേറ്റ്സ് റെഡ് ക്രസൻ്റ് (ഇആർസി), സായിദ് ബിൻ സുൽത്താൻ അൽ നഹ്യാൻ ചാരിറ്റബിൾ ആൻഡ് ഹ്യൂമാനിറ്റേറിയൻ ഫൗണ്ടേഷൻ, ഖലീഫ ബിൻ സായിദ് അൽ നഹ്യാൻ ഫൗണ്ടേഷൻ എന്നിവ ഉൾപ്പെടുന്ന സംഘം അവശ്യവസ്തുക്കൾ വിതരണം ചെയ്യുന്നതിനായി ചാഡിലെ റെഡ് ക്രോസുമായി സഹകരിച്ചു. വീട്ടുപകരണങ്ങൾ, സായിദ് ഫൗണ്ടേഷൻ നൽകുന്ന അടുക്കള പാത്രങ്ങൾ, ഈത്തപ്പഴം എന്നിവ ഇതിൽ ഉൾപ്പെടുന്നു.
വിശുദ്ധ മാസത്തിൽ നിരാലംബരായ കുടുംബങ്ങളുടെ ആവശ്യങ്ങൾ നിറവേറ്റുന്നതിനായി റമദാനിന് മുമ്പ് അതിൻ്റെ മാനുഷിക ശ്രമങ്ങൾ വർദ്ധിപ്പിക്കുന്നതിനുള്ള സംഘത്തിൻ്റെ സമർപ്പണം ഇആർസിയുടെ പ്രതിനിധി ജാസിം അൽ നഖ്ബി സ്ഥിരീകരിച്ചു.
ശേഷിക്കുന്ന ഗ്രാമങ്ങൾ, പട്ടണങ്ങൾ, സുഡാനീസ് അഭയാർത്ഥി ക്യാമ്പുകൾ എന്നിവയിലെ ആവശ്യങ്ങൾ വിലയിരുത്താൻ ഛാഡിലെ റെഡ് ക്രോസുമായി സംഘം ഏകോപിപ്പിച്ചു, ദുർബലരായ കുടുംബങ്ങളുടെ ആവശ്യങ്ങൾ നിറവേറ്റുന്നതിനും മാനുഷിക അഭ്യർത്ഥനകളോട് പ്രതികരിക്കുന്നതിനുമുള്ള അവരുടെ അചഞ്ചലമായ പ്രതിബദ്ധത ഊന്നിപ്പറയുന്നു, പ്രത്യേകിച്ച് റമദാനിൽ.
മറ്റൊരു സംരംഭത്തിൽ, എമിറാത്തി ടീം, റെഡ് ക്രോസ് ഓഫ് ചാഡുമായി സഹകരിച്ച്, ഒരു സുഡാനീസ് അഭയാർത്ഥി ക്യാമ്പ് സന്ദർശിക്കുകയും ഖലീഫ ബിൻ സായിദ് അൽ നഹ്യാൻ ഫൗണ്ടേഷനിൽ നിന്ന് 1,000 സ്കൂൾ ബാഗുകൾ വിതരണം ചെയ്യുകയും ചെയ്തു.
ക്യാമ്പിലെ അഞ്ച് സ്കൂളുകൾക്ക് പ്രയോജനം ചെയ്യുന്ന കാമ്പയിൻ്റെ സമാപനം ഖലീഫ ഫൗണ്ടേഷൻ്റെ പ്രതിനിധി അബ്ദുൾറഹീം ജാനി എടുത്തുപറഞ്ഞു, അധ്യയന വർഷത്തിൻ്റെ തുടക്കം മുതൽ വിതരണം ചെയ്ത 7,500 ലധികം ബാഗുകൾ, എല്ലാ അവശ്യ സ്കൂൾ സാമഗ്രികളും ഉൾക്കൊള്ളുന്നു.
സുഡാനീസ് അഭയാർത്ഥികളെ പിന്തുണയ്ക്കുന്നതിനും അവരുടെ ദുരിതങ്ങൾ ലഘൂകരിക്കുന്നതിനുമായി യുഎഇ നടത്തുന്ന മാനുഷിക ശ്രമങ്ങളുടെ ഭാഗമായി, അഭയാർത്ഥി ക്യാമ്പുകളിലെ വിദ്യാർത്ഥികൾ നേരിടുന്ന വെല്ലുവിളികൾക്കിടയിലും വിദ്യാഭ്യാസ ശ്രമങ്ങളെ പിന്തുണയ്ക്കുന്നതിനുള്ള എമിറാത്തി ടീമിൻ്റെ പ്രതിബദ്ധത അദ്ദേഹം ആവർത്തിച്ചു.
യുഎഇയുടെ പിന്തുണക്കും ടീമിൻ്റെ നിരന്തര പരിശ്രമത്തിനും ഗുണഭോക്താക്കൾ നന്ദി രേഖപ്പെടുത്തി, പ്രത്യേകിച്ച് ക്യാമ്പിലെ വിദ്യാഭ്യാസത്തെ പിന്തുണയ്ക്കുന്നതിൽ, വിദ്യാർത്ഥികളുടെ കുടുംബങ്ങൾക്ക് നൽകുന്ന സഹായത്തിന് ഊന്നൽ നൽകി.
WAM/അമൃത രാധാകൃഷ്ണൻ