അബുദാബി, 2024 മാർച്ച് 15, (WAM) -- ഗ്ലോബൽ മിനിമം ടാക്സ് (ജിഎംടി) അല്ലെങ്കിൽ ഗ്ലോബൽ ആൻ്റി-ബേസ് എറോഷൻ മോഡൽ റൂൾസ് (പില്ലർ രണ്ട്) (ഗ്ലോബ് റൂൾസ്), മറ്റ് നികുതികൾ എന്നിവ നടപ്പിലാക്കുന്നത് സംബന്ധിച്ച്, ബന്ധപ്പെട്ട പങ്കാളികളുടെ അഭിപ്രായങ്ങൾ ശേഖരിക്കുന്നതിന് ഒരു ഡിജിറ്റൽ പബ്ലിക് കൺസൾട്ടേഷൻ ആരംഭിക്കുന്നതായി യുഎഇ ധനകാര്യ മന്ത്രാലയം (എംഒഎഫ്) ഇന്ന് പ്രഖ്യാപിച്ചു. 2024 മാർച്ച് 15 മുതൽ 2024 ഏപ്രിൽ 10 വരെ ലഭ്യമായ കൺസൾട്ടേഷൻ, മന്ത്രാലയത്തിൻ്റെ വെബ്സൈറ്റ് വഴിയോ യുഎഇയുടെ ഗവൺമെൻ്റ് പോർട്ടൽ വഴിയോ ആക്സസ് ചെയ്യാവുന്നതാണ് (ഇവിടെ ക്ലിക്ക് ചെയ്യുക).
യുഎഇയിൽ പ്രവർത്തിക്കുന്ന മൾട്ടിനാഷണൽ ഗ്രൂപ്പുകൾ, ഉപദേഷ്ടാക്കൾ, സേവന ദാതാക്കൾ, നിക്ഷേപകർ എന്നിവരുൾപ്പെടെ എല്ലാ പങ്കാളികളുമായും കൂടിയാലോചന നടത്തേണ്ടതിൻ്റെ പ്രാധാന്യത്തിലുള്ള മന്ത്രാലയത്തിൻ്റെ വിശ്വാസതയാണ് ഡിജിറ്റൽ പബ്ലിക് കൺസൾട്ടേഷൻ പ്രതിഫലിപ്പിക്കുന്നത്.
കൺസൾട്ടേഷൻ രണ്ട് ഭാഗങ്ങളായി തിരിച്ചിരിക്കുന്നു. അതിൽ ഒന്നാമത്തേത്, യുഎഇയിൽ ഗ്ലോബൽ നിയമങ്ങൾ നടപ്പിലാക്കുന്നതിനുള്ള സാധ്യതയുള്ള പോളിസി ഡിസൈൻ ഓപ്ഷനുകളെക്കുറിച്ച്, പ്രത്യേകിച്ച് ആഭ്യന്തര മിനിമം നികുതിയുടെ വികസനം സംബന്ധിച്ച പങ്കാളികളുടെ കാഴ്ചപ്പാടുകൾ ശേഖരിക്കുക എന്നതാണ്. ഓർഗനൈസേഷൻ ഫോർ ഇക്കണോമിക് കോ-ഓപ്പറേഷൻ ആൻഡ് ഡെവലപ്മെൻ്റ് (ഒഇസിഡി) ഗ്ലോബ് മോഡൽ റൂൾസ് പ്രസിദ്ധീകരിച്ചു, അത് യോഗ്യതയുള്ള നിയമങ്ങൾ നടപ്പിലാക്കാൻ ആഗ്രഹിക്കുന്ന അധികാരപരിധിക്കുള്ള മാതൃകാ നിയമമായി വർത്തിക്കുന്നു.
യുഎഇ കോർപ്പറേറ്റ് ടാക്സ് ഭരണകൂടത്തിൻ്റെ ഭാഗമാകുന്ന, യുഎഇയിൽ പ്രയോഗിക്കേണ്ട സബ്സ്റ്റൻസ്-ബേസ്ഡ് ഇൻസെൻ്റീവുകൾ അവതരിപ്പിക്കുന്നതിനെക്കുറിച്ചുള്ള പങ്കാളികളുടെ വീക്ഷണങ്ങൾ മനസ്സിലാക്കുക എന്നതാണ് കൺസൾട്ടേഷൻ്റെ രണ്ടാം ഭാഗം. നിയമങ്ങൾ ബാധകമാകുന്നവരെ അത് പരിചയപ്പെടുത്തുന്നതിനും വിവരമുള്ള ഫീഡ്ബാക്ക് ലഭിക്കുന്നുണ്ടെന്ന് ഉറപ്പാക്കുന്നതിനും, മന്ത്രാലയം കൂടിയാലോചനയ്ക്കൊപ്പം ഒരു ആഗോള മിനിമം ടാക്സ് ബ്രീഫിംഗ് രേഖയും പുറത്തിറക്കിയിട്ടുണ്ട്.
ഈ കൂടിയാലോചനയുടെ പ്രതികരണങ്ങളുടെ അടിസ്ഥാനത്തിൽ മുന്നോട്ടുവെക്കുന്ന കാഴ്ചപ്പാടുകളെ പിന്തുണയ്ക്കുന്നതിനുള്ള ഉദാഹരണങ്ങളോ ഡാറ്റയോ മറ്റ് വിവരങ്ങളോ ഉപയോഗിച്ച് വ്യക്തവും സംക്ഷിപ്തവുമായ അഭിപ്രായങ്ങളെ യുഎഇ ധനമന്ത്രാലയം സ്വാഗതം ചെയ്യുന്നു. വെബ്സൈറ്റ് (ലിങ്ക്) വഴി 2024 ഏപ്രിൽ 10-നകം പ്രതികരണങ്ങൾ സമർപ്പിക്കാവുന്നതാണ്. ലഭിക്കുന്ന പ്രതികരണങ്ങളുടെ രഹസ്യത്മാക നിലനിർത്തുന്നതാണ്, അത് പ്രസിദ്ധീകരിക്കുന്നതല്ല.