ഫുജൈറ, 20 മാർച്ച് 2024 (WAM) -- എമിറാത്തി എഴുത്തുകാരൻ അവദ് അൽ ദർമാകിസോം നടത്തിയ 'ലോകത്തിൻ്റെ തലസ്ഥാനമായ കോർഡോബ' എന്ന പ്രഭാഷണത്തിൽ ഫുജൈറ കിരീടാവകാശി ശൈഖ് മുഹമ്മദ് ബിൻ ഹമദ് ബിൻ മുഹമ്മദ് അൽ ഷർഖി, പങ്കെടുത്തു.
റമദാൻ മാസത്തിൽ നടന്ന 'മുഹമ്മദ് ബിൻ ഹമദ് അൽ ശർഖി കൗൺസിൽ' സെഷനുകളുടെ ഭാഗമായിരുന്നു പ്രഭാഷണം.
ഇസ്ലാമിക നാഗരികതയിലേക്കും ചരിത്രത്തിലേക്കും വെളിച്ചം വീശുന്ന സാംസ്കാരിക സാമൂഹിക വിഷയങ്ങളുടെ പ്രാധാന്യം ശൈഖ് മുഹമ്മദ് എടുത്തുപറഞ്ഞു.
ഫുജൈറ ഭരണാധികാരിയും സുപ്രീം കൗൺസിൽ അംഗവുമായ ശൈഖ് ഹമദ് ബിൻ മുഹമ്മദ് അൽ ഷർഖിയുടെ സാംസ്കാരിക സംരംഭങ്ങൾക്കും യുവാക്കൾക്കിടയിൽ സാംസ്കാരിക അവബോധം പ്രോത്സാഹിപ്പിക്കുന്നതിൻ്റെ അനിവാര്യതയ്ക്കും നൽകിയ പിന്തുണയെയും അദ്ദേഹം അഭിനന്ദിച്ചു.
കമ്മ്യൂണിറ്റി അവബോധം വളർത്തിയെടുക്കേണ്ടതിൻ്റെ പ്രാധാന്യം ഫുജൈറ കിരീടാവകാശി ഊന്നിപ്പറഞ്ഞു. പ്രത്യേകിച്ച് യുവതലമുറക്ക് അവരുടെ പൈതൃകത്തെക്കുറിച്ചും, രാജ്യത്തിൻ്റെ സാംസ്കാരിക സമ്പുഷ്ടീകരണത്തിനായുള്ള കാഴ്ചപ്പാട് മുന്നോട്ട് കൊണ്ടുപോകുന്നതിലും എല്ലാ തലങ്ങളിലും അതിൻ്റെ മത്സരശേഷി ശക്തിപ്പെടുത്തുന്നതിലും ഇത്തരം സംരംഭങ്ങളുടെ നിർണായക പങ്ക് അദ്ദേഹം ആവർത്തിച്ചു.
പ്രഭാഷണത്തിൽ ശൈഖുമാരും മുതിർന്ന ഉദ്യോഗസ്ഥരും പങ്കെടുത്തു.
WAM/അമൃത രാധാകൃഷ്ണൻ