അബുദാബി, 26 മാർച്ച് 2024 (WAM) -- അബുദാബി ഭരണാധികാരി എന്ന നിലയിൽ യുഎഇ രാഷ്ട്രപതി ശൈഖ് മുഹമ്മദ് ബിൻ സായിദ് അൽ നഹ്യാൻ ഒപ്പുവച്ച അബുദാബിയിലെ പുനരധിവാസവും ശിക്ഷാ സൗകര്യങ്ങളും നിയന്ത്രിക്കുന്ന പുതിയ നിയമത്തെ ഇൻ്റർനാഷണൽ സൊസൈറ്റി ഓഫ് അഡിക്ഷൻ മെഡിസിൻ (ഇസം) പ്രശംസിച്ചു.
അബുദാബി പോലീസ് ജനറൽ ഹെഡ്ക്വാർട്ടേഴ്സിൽ നിന്ന് അബുദാബി ജുഡീഷ്യൽ ഡിപ്പാർട്ട്മെൻ്റിന് എമിറേറ്റിൻ്റെ പെനൽ, പെനിറ്റൻഷ്യറി സൗകര്യങ്ങളുടെ നിയന്ത്രണം ജനുവരിയിൽ കൈമാറുന്നതിന് അനുബന്ധമായാണ് ബിൽ.
നിയമത്തിൻ്റെ സമഗ്രമായ വ്യവസ്ഥകളെ അഭിനന്ദിക്കുകയും, മാനുഷിക തത്വങ്ങളോടും മനുഷ്യാവകാശങ്ങളോടും യുഎഇയുടെ പ്രതിബദ്ധതയ്ക്കൊപ്പം അവ എങ്ങനെ നിലകൊള്ളുന്നുവെന്നും
ഇസം പ്രസിഡൻ്റ് ഡോ. ഹമദ് അൽ ഗഫ്രി, ഊന്നിപ്പറയുകയും ചെയ്തു. എല്ലാവർക്കും, പ്രത്യേകിച്ച് പുനരധിവാസ കേന്ദ്രങ്ങളിലുള്ളവർക്ക്, ഉചിതമായ പരിചരണവും ശ്രദ്ധയും നൽകുന്നതിന് നിയമം ശക്തമായ ഊന്നൽ നൽകുന്നുവെന്ന് അദ്ദേഹം ഊന്നിപ്പറഞ്ഞു.
ഈ നിയമപരമായ മുന്നേറ്റത്തോടെ അന്താരാഷ്ട്രതലത്തിൽ മനുഷ്യാവകാശങ്ങളെ സംബന്ധിച്ച യുഎഇയുടെ നിലപാട് ഗണ്യമായി മെച്ചപ്പെട്ടതായി കാണുന്നുവെന്ന് അദ്ദേഹം പറഞ്ഞു. മയക്കുമരുന്നിന് അടിമപ്പെടുന്നതുൾപ്പെടെയുള്ള മനുഷ്യാവകാശങ്ങൾ പരിഹരിക്കുന്നതിനായി യുഎഇ എങ്ങനെയാണ് സ്പെഷ്യലിസ്റ്റ് സൗകര്യങ്ങൾ ഏർപ്പെടുത്തിയതെന്നും ഉൾക്കൊള്ളുന്ന നയങ്ങൾ നടപ്പിലാക്കിയതെന്നും ഡോ. അൽ ഗഫ്രി അഭിപ്രായപ്പെട്ടു.
അക്കാദമികവും തൊഴിൽപരവുമായ പരിശീലന സാധ്യതകൾ വാഗ്ദാനം ചെയ്യുന്നതിനൊപ്പം, തടവുകാർക്ക് ആരോഗ്യ-സാമൂഹിക പരിപാലന സേവനങ്ങൾ നൽകലും, സംഭാവന ചെയ്യുന്ന അംഗങ്ങളായി അവരെ സമൂഹത്തിലേക്ക് പുനരാരംഭിക്കാൻ സഹായിക്കുന്നതിന് രൂപകൽപ്പന ചെയ്ത പുനരധിവാസ പരിപാടികളും കേന്ദ്രങ്ങളുടെ ഉത്തരവാദിത്തങ്ങളിൽ ഉൾപ്പെടുന്നുവെന്ന് അദ്ദേഹം പറഞ്ഞു.
WAM/അമൃത രാധാകൃഷ്ണൻ