ദുബായ്, 2024 ഏപ്രിൽ 14, (WAM) – മേഖലയിലെ നിരവധി വ്യോമാതിർത്തികൾ താൽക്കാലികമായി അടച്ചത്, ഫ്ലൈ ദുബായിയുടെ ചില ഫ്ലൈറ്റ് സർവ്വീസുകളെ പ്രതികൂലമായി ബാധിച്ചതായി ഫ്ലൈ ദുബായ് പുറത്തിറക്കിയ പ്രസ്താവനയിൽ വ്യക്തമാക്കി.
നിലവിലെ പ്രതികൂല സാഹചര്യത്തിന്‍റെ പശ്ചാത്തലത്തിൽ സ്ഥിതിഗതികൾ സൂക്ഷ്മമായി നിരീക്ഷിച്ച് അതിനനുസരിച്ച് തങ്ങളുടെ ഷെഡ്യൂളിൽ പര്യാപ്തമായ ഭേദഗതികൾ വരുത്തുമെന്നും പ്രസ്താവന അഭിപ്രായപ്പെട്ടു. അതോടൊപ്പം സർവ്വീസ് റദ്ദാക്കിയത് മൂലം അസൗകര്യം നേരിട്ട യാത്രക്കാരോട് ഞങ്ങൾ ക്ഷമാപണം നടത്തുന്നതായും പ്രസ്താവനയിൽ ഫ്ലൈ ദുബായ് വ്യക്തമാക്കി.