ദുബായ്, 17 ഏപ്രിൽ 2024 (WAM) -- യുഎഇ വിദേശ വ്യാപാര സഹമന്ത്രി ഡോ. താനി ബിൻ അഹമ്മദ് അൽ സെയൂദിയും കോസ്റ്ററിക്കയുടെ വിദേശ വ്യാപാര മന്ത്രി മാനുവൽ തോവറും സമഗ്ര സാമ്പത്തിക പങ്കാളിത്ത കരാറിൽ (സിഇപിഎ) ഒപ്പുവച്ചു.
ഇരു രാജ്യങ്ങളും തമ്മിലുള്ള ഉഭയകക്ഷി സഹകരണത്തിൻ്റെ പുതിയ യുഗത്തിന് ഈ കരാർ തുടക്കമിട്ടു. വ്യാപാര ബന്ധങ്ങൾ വർധിപ്പിക്കുക, സ്വകാര്യ-മേഖല ഇടപെടൽ വിപുലീകരിക്കുക, ലോജിസ്റ്റിക്സ്, ഊർജം, വ്യോമയാനം, ടൂറിസം, അടിസ്ഥാന സൗകര്യ വികസനം എന്നിവയുൾപ്പെടെയുള്ള പ്രധാന മേഖലകളിൽ പുതിയ നിക്ഷേപ സാധ്യതകൾ സൃഷ്ടിക്കാനും കരാർ ലക്ഷ്യമിടുന്നു.
രാജ്യത്തിൻ്റെ വ്യാപാര ശൃംഖല വിപുലീകരിക്കുന്നതിനും പുതിയ കയറ്റുമതി വിപണികൾ തുറക്കുന്നതിനും ഉൽപന്നങ്ങൾക്കും സേവനങ്ങൾക്കുമുള്ള ആഗോള ഗേറ്റ്വേ എന്ന നിലയിൽ സ്ഥാനം വർദ്ധിപ്പിക്കുന്നതിനുമുള്ള യുഎഇയുടെ പുതിയ അന്താരാഷ്ട്ര വ്യാപാര പദ്ധതിയുടെ ഭാഗമാണ് ഈ കരാർ. 2023-ൽ എണ്ണ ഇതര വ്യാപാരം 65 മില്യൺ യുഎസ് ഡോളറും 2022-നെ അപേക്ഷിച്ച് 7% വർധനയും 2021-നെ അപേക്ഷിച്ച് 31% വർദ്ധനയും ഉള്ള യുഎഇ-കോസ്റ്റാറിക്കൻ സാമ്പത്തിക ബന്ധങ്ങളിലെ ഒരു പുതിയ അധ്യായമായി ഈ കരാർ കണക്കാക്കപ്പെടുന്നു.
ആഗോള ജനസംഖ്യയുടെ പുരോഗതിക്കായി മുന്നോട്ട് സാമ്പത്തിക വികസനത്തിന് മുൻഗണന നൽകുന്ന രാഷ്ട്രങ്ങളുമായി തന്ത്രപരമായ പങ്കാളിത്തം സ്ഥാപിക്കാൻ യുഎഇ പ്രതിജ്ഞാബദ്ധമാണ്. യുഎഇ-കോസ്റ്റാറിക്ക സിഇപിഎ മുൻഗണന മേഖലകളിലേക്ക് വ്യാപാരവും നിക്ഷേപവും ഉത്തേജിപ്പിക്കുമെന്ന് യുഎഇ പ്രതീക്ഷിക്കുന്നു. ഇത് ഇരു രാജ്യങ്ങളെയും പങ്കിട്ട സാമ്പത്തിക വിജയത്തിലേക്ക് നയിക്കുമെന്നാണ് പ്രതീക്ഷിക്കുന്നത്. സിഇപിഎ ഒപ്പിട്ടതിൽ കോസ്റ്റാറിക്കയുടെ രാഷ്ട്രപതി റോഡ്രിഗോ ഷാവ്സ് റോബിൾസ്, സന്തോഷം പ്രകടിപ്പിച്ചു. പുതിയ വിപണികളിലേക്ക് വ്യാപിപ്പിക്കുക എന്ന യുഎഇയുടെ തന്ത്രപരമായ ലക്ഷ്യവുമായി ഇത് യോജിക്കുന്നുവെന്നും അദ്ദേഹം പ്രസ്താവിച്ചു.
WAM/അമൃത രാധാകൃഷ്ണൻ