ദുബായ്, 21 ഏപ്രിൽ 2024 (WAM) -- ദുബായ് സർക്കാർ ജീവനക്കാർക്കും സൈനിക ഉദ്യോഗസ്ഥർക്കും , സൈന്യത്തിൽ നിന്ന് വിരമിച്ചവർക്കും, സർക്കാർ സാമൂഹിക ആനുകൂല്യങ്ങൾ സ്വീകരിക്കുന്നവർക്കും ഈ മാസത്തെ ശമ്പളം ഏപ്രിൽ 23 ചൊവ്വാഴ്ച വിതരണം ചെയ്യാൻ ദുബായ് കിരീടാവകാശിയും ദുബായ് എക്സിക്യൂട്ടീവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം നിർദ്ദേശം നൽകി.
രാജ്യം അഭിമുഖീകരിക്കുന്ന അതിരൂക്ഷമായ കാലാവസ്ഥ പ്രതിസന്ധികൾക്കിടയിലും ജീവനക്കാർക്കും അവരുടെ കുടുംബങ്ങൾക്കും പിന്തുണ നൽകാനുള്ള കിരീടാവകാശിയുടെ പ്രതിബദ്ധതയാണ് ഈ തീരുമാനം പ്രതിഫലിപ്പിക്കുന്നത്.
ജീവനക്കാരുടെ ക്ഷേമം ഉറപ്പാക്കുന്നതിനാണ് നേരത്തെയുള്ള ശമ്പള വിതരണം ലക്ഷ്യമിടുന്നത്.
WAM/ അമൃത രാധാകൃഷ്ണൻ