അബുദാബി, 2024 ഏപ്രിൽ 23, (WAM) -- യുഎഇ അറ്റോർണി ജനറൽ ചാൻസലർ ഡോ. ഹമദ് സെയ്ഫ് അൽ ഷംസി റഷ്യൻ പ്രോസിക്യൂട്ടർ ജനറൽ ഓഫീസ് സന്ദർശിച്ച് പബ്ലിക് പ്രോസിക്യൂഷനിലും നിയമനിർമ്മാണ സംഭവവികാസങ്ങളിലും മികച്ച രീതികൾ അവലോകനം ചെയ്തു. നിയമ, സാംസ്കാരിക, സാമ്പത്തിക മേഖലകളിൽ യുഎഇയുടെയും റഷ്യയുടെയും ശക്തമായ ഉഭയകക്ഷി ബന്ധത്തിന് ഊന്നൽ നൽകുകയും ഇരു രാജ്യങ്ങളും തമ്മിലുള്ള സഹകരണം ശക്തിപ്പെടുത്താനുള്ള അവസരമാണ് ഇതെന്നും അദ്ദേഹം പറഞ്ഞു. സമാധാനം, സുരക്ഷ, ആഗോള സ്ഥിരത എന്നിവയ്ക്കുള്ള നേതാക്കളുടെ പ്രതിബദ്ധത ശക്തമായ ഉഭയകക്ഷി ബന്ധത്തെ വളർത്തിയെടുത്തതായി അദ്ദേഹം അഭിപ്രായപ്പെട്ടു.
സന്ദർശനത്തിനിടെ റഷ്യൻ ഫെഡറേഷൻ്റെ പ്രോസിക്യൂട്ടർ ജനറൽ ഇഗോർ ക്രാസ്നോവ്, റഷ്യൻ ഫെഡറേഷനിലെ യുഎഇ അംബാസഡർ ഡോ. മുഹമ്മദ് അഹമ്മദ് അൽ ജാബർ എന്നിവരുമായി ഡോ.അൽ ഷംസി കൂടിക്കാഴ്ച നടത്തി. പബ്ലിക് പ്രോസിക്യൂഷനുകൾ തമ്മിലുള്ള സഹകരണം വർധിപ്പിക്കുക, പരസ്പര ആശങ്കയുള്ള വിഷയങ്ങളിൽ ഏകോപനം ശക്തിപ്പെടുത്തുക, കുറ്റകൃത്യങ്ങൾ, പ്രത്യേകിച്ച് തീവ്രവാദം, അതിർത്തി കടന്നുള്ള സംഘടിത കുറ്റകൃത്യങ്ങൾ, മനുഷ്യാവകാശങ്ങൾ സംരക്ഷിക്കൽ എന്നിവയിൽ ചർച്ചകൾ ശ്രദ്ധ കേന്ദ്രീകരിച്ചു.
വൈദഗ്ധ്യം, മികച്ച സമ്പ്രദായങ്ങൾ, സംയുക്ത കോൺഫറൻസുകൾ, വർക്ക്ഷോപ്പുകൾ എന്നിവ കൈമാറ്റം ചെയ്യാൻ ലക്ഷ്യമിട്ട് പബ്ലിക് പ്രോസിക്യൂഷനും റഷ്യൻ പ്രോസിക്യൂട്ടർ ജനറൽ ഓഫീസും തമ്മിൽ 2021 ഡിസംബറിൽ ഒപ്പുവച്ച ധാരണാപത്രത്തിന്റെ അടിസ്ഥാനത്തിലാണ് സന്ദർശനം.
കൂടാതെ, ക്രിമിനൽ അന്വേഷണം, ക്രിമിനോളജി, പ്രസക്തമായ ഡാറ്റ എന്നിവയിലെ ഗവേഷണ ഫലങ്ങൾ പങ്കുവയ്ക്കുന്നതും ക്രിമിനൽ നീതിന്യായ പ്രക്രിയകൾ കാര്യക്ഷമമാക്കുന്നതിന് ആർട്ടിഫിഷ്യൽ ഇൻ്റലിജൻസ്, ബ്ലോക്ക്ചെയിൻ, ഇൻ്റർനെറ്റ് ഓഫ് തിംഗ്സ് തുടങ്ങിയ ആധുനിക സാങ്കേതികവിദ്യകൾ പ്രയോജനപ്പെടുത്തുന്നതും ഇത് പ്രോത്സാഹിപ്പിക്കുന്നു.
WAM/അമൃത രാധാകൃഷ്ണൻ