ഷാർജ, 1 മെയ് 2024 (WAM) -- കാലാവസ്ഥ ജാഗ്രതാ നിർദ്ദേശത്തെ തുടർന്ന് വ്യാഴം, വെള്ളി ദിവസങ്ങളിൽ എമിറേറ്റിലെ എല്ലാ സ്കൂളുകളിലും ഉന്നത വിദ്യാഭ്യാസ സ്ഥാപനങ്ങളിലും വിദൂര പഠന സംവിധാനം തുടരാൻ ഷാർജയിലെ പ്രാദേശിക എമർജൻസി, ക്രൈസിസ് ആൻഡ് ഡിസാസ്റ്റർ മാനേജ്മെൻ്റ് ടീം തീരുമാനിച്ചു. ഷാർജ സർക്കാർ വകുപ്പുകളിലെ അവശ്യ ജോലികൾ ഒഴികെയുള്ള എല്ലാ ജീവനക്കാരോടും റിമോട്ട് വർക്ക് സംവിധാനം ഉപയോഗപ്പെടുത്താനും ടീം നിർദ്ദേശിച്ചു.
ഷാർജ സ്പോർട്സ് കൗൺസിൽ ഈ ദിവസങ്ങളിൽ സംഘടിപ്പിക്കാൻ തീരുമാനിച്ചിരുന്ന എല്ലാ കായിക മത്സരങ്ങളും അധികൃതർ റദ്ദാക്കുകയും എല്ലാ പാർക്കുകളും അടച്ചുപൂട്ടാൻ ഉത്തരവിടുകയും ചെയ്തു.
WAM/അമൃത രാധാകൃഷ്ണൻ