ദുബായ്, 7 മെയ് 2024 (WAM) -- ഇന്ന് എമിറേറ്റിൽ ആരംഭിച്ച ദുബായ് ഫിൻടെക് ഉച്ചകോടി 2024, എല്ലാ തലങ്ങളിലും സാമ്പത്തിക സാങ്കേതിക മേഖലയിലെ വളർച്ചയെ പ്രോത്സാഹിപ്പിക്കുന്നതിൽ യുഎഇയുടെ പ്രധാന പങ്ക് ശക്തിപ്പെടുത്തുന്നുവെന്ന് അൺലിമിറ്റഡ് ഇൻഷുറൻസ് സേവനങ്ങളുടെ (യുഐഎസ്) സിഇഒ ജിഹാദ് ഫൈട്രൂണി പറഞ്ഞു.
മെയ് 6, 7 തീയതികളിൽ നടക്കുന്ന ഉച്ചകോടിയുടെ ഭാഗമായി എമിറേറ്റ്സ് ന്യൂസ് ഏജൻസിക്ക് നൽകിയ പ്രസ്താവനയിൽ, ആഗോള സംഭവവികാസങ്ങൾക്ക് അനുസൃതമായി ഡിജിറ്റൽ ഇൻഫ്രാസ്ട്രക്ചർ വികസിപ്പിക്കുന്നത് തുടരേണ്ടതിൻ്റെ പ്രാധാന്യം യുഎഇ അംഗീകരിക്കുന്നതായി ഫൈട്രൂണി അഭിപ്രായപ്പെട്ടു. സാമ്പത്തിക മേഖല ഉൾപ്പെടെ വിവിധ മേഖലകളിലെ സാങ്കേതിക നിക്ഷേപങ്ങൾ വർദ്ധിച്ചുവരുന്ന വളർച്ചയ്ക്ക് സാക്ഷ്യം വഹിക്കുന്നതായി, അദ്ദേഹം കൂട്ടിച്ചേർത്തു.
ഈ സാഹചര്യത്തിൽ, യുഎഇയിലെ സാമ്പത്തിക സാങ്കേതിക മേഖല ഈ വർഷം 4.5 ശതമാനത്തിൽ കൂടുതലും അടുത്ത വർഷം 6.5 ശതമാനത്തിൽ കൂടുതലും വളർച്ച കൈവരിക്കുമെന്ന് യുഐഎസ് സിഇഒ പ്രതീക്ഷിക്കുന്നു.
WAM/അമൃത രാധാകൃഷ്ണൻ