റിയാദിൽ നടക്കുന്ന വിദ്യാഭ്യാസ സമ്മേളനത്തിൽ ഷാർജ സോഷ്യൽ എംപവർമെൻ്റ് ഫൗണ്ടേഷൻ പങ്കെടുത്തു

ഷാർജ, 8 മെയ്, 2024 (WAM) --സൗദി അറേബ്യയിലെ റിയാദിൽ നടന്ന വിദ്യാഭ്യാസ നവീകരണ സമ്മേളനത്തിൽ ഷാർജ സോഷ്യൽ എംപവർമെൻ്റ് ഫൗണ്ടേഷൻ (എസ്എസ്ഇഎഫ്) പങ്കെടുത്തു.

എജ്യുക്കേഷണൽ ഇന്നൊവേഷൻ കോൺഫറൻസിൽ അനാഥരായ കുട്ടികൾക്ക് മാനസികവും വിദ്യാഭ്യാസപരവുമായ മാർഗ്ഗനിർദ്ദേശം നൽകുന്ന ‘ടീച്ച് വിത്ത് പെൻ’ എന്ന വിദ്യാഭ്യാസ പദ്ധതിയുടെ പങ്ക് എടുത്തുകാണിച്ചുകൊണ്ടുള്ള ഒരു പഠനം ഫൗണ്ടേഷൻ അവതരിപ്പിച്ചു.

അനാഥരായ കുട്ടികളുടെ വിദ്യാഭ്യാസ ഫലങ്ങളും ക്ഷേമവും വർദ്ധിപ്പിക്കുന്നതിന് മനഃശാസ്ത്രപരവും വിദ്യാഭ്യാസപരവുമായ മാർഗ്ഗനിർദ്ദേശങ്ങൾക്കൊപ്പം അക്കാദമിക് പിന്തുണ സമന്വയിപ്പിക്കേണ്ടതിൻ്റെ പ്രാധാന്യം ഫൗണ്ടേഷൻ്റെ ഡയറക്ടർ ജനറൽ മോന അൽ സുവൈദി, ഊന്നിപ്പറഞ്ഞു.

ഷാർജ, സെൻട്രൽ, കിഴക്കൻ മേഖലകളിലുടനീളമുള്ള 972 അനാഥരെ ഉൾപ്പെടുത്തി നടത്തിയ പഠനം, മനഃശാസ്ത്രപരവും വിദ്യാഭ്യാസപരവുമായ കൗൺസിലിംഗ് പ്രോഗ്രാമുകളിലൂടെ സംരംഭത്തിൻ്റെ പ്രായോഗിക പ്രയോഗങ്ങൾ എടുത്തുകാണിച്ചു. പ്രോഗ്രാമിൻ്റെ കൗൺസിലിംഗ് സേവനങ്ങളിലെ ആവർത്തിച്ചുള്ള വെല്ലുവിളിയായ അക്കാദമിക് പ്രകടനത്തിലെ പ്രതികൂല മാനസിക സാഹചര്യങ്ങളുടെ സ്വാധീനത്തെയും പഠനം അഭിസംബോധന ചെയ്തു. പദ്ധതി കൂടുതൽ വികസിപ്പിക്കേണ്ടതിൻ്റെ ആവശ്യകതയും അനാഥരായ കുട്ടികളെ പിന്തുണയ്ക്കുന്നതിൽ തുടർച്ചയായ പുരോഗതിയുടെ ആവശ്യകതയും അൽ സുവൈദി ഊന്നിപ്പറഞ്ഞു.

അധ്യാപന രീതികൾ, പാഠ്യപദ്ധതി മെച്ചപ്പെടുത്തൽ, വിദ്യാഭ്യാസ ഭരണം, മേൽനോട്ടം എന്നിവ ഉൾപ്പെടെ വിദ്യാഭ്യാസ നവീകരണവുമായി ബന്ധപ്പെട്ട വിഷയങ്ങളും സമ്മേളനം ചർച്ച ചെയ്തു. വിദ്യാഭ്യാസ രീതികളെയും ഫലങ്ങളെയും സമ്പന്നമാക്കുന്നതിന് വിദ്യാഭ്യാസ മനഃശാസ്ത്രത്തിൻ്റെയും പ്രത്യേക വിദ്യാഭ്യാസം പോലുള്ള മേഖലകളുടെ ഉപയോഗത്തെയും പഠനം അഭിസംബോധന ചെയ്തു.

WAM/അമൃത രാധാകൃഷ്ണൻ