അൽ അരിഷ്, 19 മെയ് 2024 (WAM) -- ഗാസ മുനമ്പിലെ പലസ്തീൻ കുടുംബങ്ങൾക്ക് യുഎഇ നൽകുന്ന മെഡിക്കൽ സേവനങ്ങളുടെ ഭാഗമായി ഈജിപ്ഷ്യൻ നഗരമായ അൽ ആരിഷിലെ യുഎഇ ഫ്ലോട്ടിംഗ് ഹോസ്പിറ്റൽ പലസ്തീൻ രോഗികൾക്കും പരിക്കേറ്റവർക്കും നിരവധി സങ്കീർണ്ണമായ ശസ്ത്രക്രിയകൾ നടത്തി.
ഗാസ മുനമ്പിലെ പലസ്തീൻ ജനത നേരിടുന്ന മാനുഷിക പ്രതിസന്ധി ലഘൂകരിക്കാൻ യുഎഇ രാഷ്ട്രപതി ശൈഖ് മുഹമ്മദ് ബിൻ സായിദ് അൽ നഹ്യാൻ ഉത്തരവിട്ട ഓപ്പറേഷൻ ചിവാൽറസ് നൈറ്റ് 3 ൻ്റെ ചട്ടക്കൂടിനുള്ളിലാണ് വൈദ്യസഹായം.
ആശുപത്രിയിലെ സ്പെഷ്യലിസ്റ്റ് മെഡിക്കൽ സംഘം കഴിഞ്ഞ രണ്ട് ദിവസങ്ങളിലായി അഞ്ച് ശസ്ത്രക്രിയകൾ നടത്തിയെന്ന് ആശുപത്രി ഡയറക്ടർ ഡോ. അഹമ്മദ് മുബാറക് പറഞ്ഞു. പ്രത്യേക ടൈറ്റാനിയം ഉപകരണങ്ങൾ ഉപയോഗിച്ചാണ് ഒടിവുകൾ നന്നാക്കിയതെന്ന് അദ്ദേഹം വിശദീകരിച്ചു.
ഇതോടെ, ആശുപത്രി ആരംഭിച്ചതു മുതൽ ഇന്നുവരെ ലഭിച്ച ആകെ കേസുകളുടെ എണ്ണം 180 ആയി ഉയർന്നു, അതേസമയം നടത്തിയ ശസ്ത്രക്രിയകളുടെ എണ്ണം പ്രതിദിനം ശരാശരി 5 ശസ്ത്രക്രിയകൾ വീതം വിവിധ തരത്തിലുള്ള 430 ൽ എത്തിയതായി മുബാറക് വിശദീകരിച്ചു.
WAM/അമൃത രാധാകൃഷ്ണൻ