അബുദാബി, 21 മെയ്, 2024 (WAM) -- ദേശീയ സുരക്ഷയ്ക്കും പ്രതിരോധത്തിനും വേണ്ടിയുള്ള ഇൻ്റർനാഷണൽ എക്സിബിഷൻ (ഐഎസ്എൻആർ അബുദാബി 2024) ഉപപ്രധാനമന്ത്രിയും ആഭ്യന്തര മന്ത്രിയുമായ ലെഫ്റ്റനൻ്റ് ജനറൽ ശൈഖ് സെയ്ഫ് ബിൻ സായിദ് അൽ നഹ്യാൻ്റെ രക്ഷാകർതൃത്വത്തിൽ ഇന്ന് ആരംഭിച്ചു.
2008-ൽ എക്സിബിഷൻ ആരംഭിച്ചതിന് ശേഷമുള്ള ഏറ്റവും വലിയ ഈ വർഷത്തെ പതിപ്പ്, മെയ് 23 വരെ അഡ്നെകിൽ നടക്കും.
അബുദാബി പോലീസിനെ തന്ത്രപ്രധാന പങ്കാളിയായും റബ്ദാൻ അക്കാദമി അക്കാദമിക പങ്കാളിയായും ആഭ്യന്തര മന്ത്രാലയവുമായി സഹകരിച്ച് അഡ്നെക്കാണ് 'ദേശീയ സുരക്ഷാ ആവാസവ്യവസ്ഥയിൽ ത്വരിതപ്പെടുത്തുന്ന പരിവർത്തനം' എന്ന വിഷയത്തെ അടിസ്ഥാനമാക്കിയുള്ള കോൺഫറൻസ് സംഘടിപ്പിക്കുന്നത്.
ദേശീയ, സൈബർ സുരക്ഷാ ഉദ്യോഗസ്ഥരെയും പൊതു-സ്വകാര്യ മേഖലകളിലെ എല്ലാ വിതരണ ശൃംഖലയിലെ പങ്കാളികളെയും ബിസിനസ്സ് നടത്താനും വ്യവസായ നേതൃത്വം മെച്ചപ്പെടുത്താനും നവീകരണം പ്രദർശിപ്പിക്കാനും ഭാവി പദ്ധതികളെക്കുറിച്ച് ചർച്ച ചെയ്യാനും സ്വാധീനിക്കാനും കോൺഫറൻസ് ഒരുമിച്ച് കൊണ്ടുവരുന്നു.
WAM/അമൃത രാധാകൃഷ്ണൻ