ദുബായ്, 2024 മെയ് 22 (WAM) -- മെയ് 29 മുതൽ മെയ് 31 വരെ മൊറോക്കോയിലെ മാരാക്കേച്ചിൽ നടക്കുന്ന അന്താരാഷ്ട്ര വ്യാപാര പ്രദർശനമായ ജിടെക്സ് ആഫ്രിക്ക 2024ൽ പങ്കെടുക്കുമെന്ന് ബുധനാഴ്ച ഡിജിറ്റൽ ദുബായ് പ്രഖ്യാപിച്ചു.
ഡിപ്പാർട്ട്മെൻ്റ് ഓഫ് ഇക്കണോമി ആൻഡ് ടൂറിസം, ദുബായ് പോലീസ്, ദുബായ് മുനിസിപ്പാലിറ്റി, ഡിജിറ്റൽ ദേവ, ദുബായ് സിവിൽ ഡിഫൻസ്, ദുബായ് കസ്റ്റംസ്, സെക്യൂരിറ്റി ഇൻഡസ്ട്രി റെഗുലേറ്ററി ഏജൻസി, ഡിപി വേൾഡ് എന്നിവയുൾപ്പെടെ എട്ട് സർക്കാർ സ്ഥാപനങ്ങൾ ദുബായ് പവലിയനിൽ പങ്കെടുക്കുന്നുണ്ട്.
ഡിജിറ്റൽ ദുബായ് സംഘടിപ്പിക്കുന്ന ദുബായ് പവലിയനിൽ വിവിധ സംരംഭങ്ങളും പദ്ധതികളും പ്രദർശിപ്പിക്കുകയും സർക്കാർ പ്രതിനിധികൾക്കും സ്വകാര്യ മേഖലയിലെ കമ്പനികൾക്കുമായി ബിസിനസ് യോഗങ്ങൾ സംഘടിപ്പിക്കുകയും ചെയ്യും.
ആഫ്രിക്കയിലെ ഡിജിറ്റൽ പരിവർത്തനത്തിനുള്ള അവസരങ്ങൾ തിരിച്ചറിയാനും യുഎഇയും മറ്റ് പങ്കാളിത്ത രാജ്യങ്ങളും തമ്മിലുള്ള സഹകരണത്തിനും നിക്ഷേപത്തിനുമുള്ള സാധ്യതകൾ ചർച്ച ചെയ്യാനുമാണ് ഇവൻ്റ് ലക്ഷ്യമിടുന്നത്. ആഫ്രിക്കയുടെ സാമ്പത്തിക നവോത്ഥാനത്തിൽ നവീനതയെയും ആധുനിക സാങ്കേതികവിദ്യയെയും പിന്തുണയ്ക്കേണ്ടത് വളരെ പ്രാധാനമാണെന്ന് ഈ വിശിഷ്ടമായ പങ്കാളിത്തത്തെക്കുറിച്ച് അഭിപ്രായപ്പെട്ടുകൊണ്ട് ഡിജിറ്റൽ ദുബായ് ഡയറക്ടർ ജനറൽ ഹമദ് ഉബൈദ് അൽ മൻസൂരി പറഞ്ഞു.
WAM/അമൃത രാധാകൃഷ്ണൻ