അബുദാബി, 23 മെയ്, 2024 (WAM) --സുരക്ഷ, പോലീസിംഗ്, ക്രൈസിസ് മാനേജ്മെൻ്റ് തുടങ്ങിയ വിഷയങ്ങളിൽ രണ്ട് ദിവസത്തെ സംവാദത്തിന് ശേഷം അഡ്നെക് ഗ്രൂപ്പുമായി സഹകരിച്ച് ആഭ്യന്തര മന്ത്രാലയവും റബ്ദാൻ അക്കാദമിയും സംഘടിപ്പിച്ച ഐഎസ്എൻആർ 2024 കോൺഫറൻസ്, സമാപിച്ചു. അബുദാബി ആസ്ഥാനമായുള്ള പുതിയ ഗവേഷണ പ്ലാറ്റ്ഫോമായ റബ്ദാൻ സെക്യൂരിറ്റി & ഡിഫൻസ് ഇൻസ്റ്റിറ്റ്യൂട്ടിൻ്റെ സമാരംഭത്തിനും സമ്മേളനം സാക്ഷ്യം വഹിച്ചു.
ആഗോള സ്ഥിരതയിലെ തന്ത്രപരമായ സഖ്യങ്ങൾ, ദേശീയ സുരക്ഷാ പ്രവണതകൾ, ഭാവി തന്ത്രങ്ങൾ സ്വീകരിക്കൽ, പോലീസ് തന്ത്രങ്ങൾ, ദേശീയ സുരക്ഷയിൽ സുസ്ഥിരത ഉറപ്പാക്കുന്നതിനുള്ള നടപടികൾ എന്നിവയിൽ കോൺഫറൻസിന്റെ ആദ്യ ദിവസം ശ്രദ്ധ കേന്ദ്രീകരിച്ചു. എഐ- സംബന്ധിയായ കുറ്റകൃത്യങ്ങൾ, തെളിവുകൾ അടിസ്ഥാനമാക്കിയുള്ള പോലീസിംഗ്, സന്ദർഭവും കാരണങ്ങളും മനസ്സിലാക്കി കുറ്റകൃത്യങ്ങൾ കൈകാര്യം ചെയ്യുന്നതിനുള്ള അപകടസാധ്യതകൾ എന്നിവ പാനൽ വിദഗ്ധർ ചർച്ച ചെയ്തു.
'മിഡിൽ ഈസ്റ്റിനായുള്ള വെല്ലുവിളികളും സാധ്യതകളും അഭിസംബോധന ചെയ്യുന്നതിൽ വിജ്ഞാന സമൂഹങ്ങളുടെ പങ്ക്' എന്ന വിഷയത്തിൽ നടന്ന പാനൽ ചർച്ചയിൽ , ജീവിത നിലവാരം മെച്ചപ്പെടുത്തുന്നതിനും സമൂഹങ്ങളുടെ പുരോഗതിക്കും സുസ്ഥിര വികസനം കൈവരിക്കുന്നതിനുമുള്ള വിജ്ഞാന സമൂഹങ്ങളുടെ സാധ്യതകൾ ചർച്ച ചെയ്തു. 'ആഗോള സ്ഥിരതയിലെ തന്ത്രപരമായ സഖ്യങ്ങൾ: യുഎഇയിൽ നിന്നുള്ള നേതൃത്വ വീക്ഷണങ്ങൾ' എന്ന പാനൽ ചർച്ച, കുറ്റകൃത്യങ്ങൾ കൈകാര്യം ചെയ്യുന്നതിൽ ആഗോള പങ്കാളിത്തത്തിൻ്റെയും എഐ സാങ്കേതികവിദ്യകളുടെയും പ്രാധാന്യം ഊന്നിപ്പറയുന്ന വിദഗ്ധ പോലീസ് ഉൾക്കാഴ്ചകൾ വിശകലനം ചെയ്തു.
ദേശീയ സുരക്ഷ സംവിധാനങ്ങൾ, അന്താരാഷ്ട്ര സഹകരണം, എഐ, സൈബർ സുരക്ഷ, ഇൻ്റലിജൻസ് അടിസ്ഥാനമാക്കിയുള്ള തയ്യാറെടുപ്പ് എന്നിവ ഉൾക്കൊള്ളുന്ന 'ആർട്ടിഫിഷ്യൽ ഇൻ്റലിജൻസും സുരക്ഷാ സാങ്കേതികവിദ്യയുടെ ഭാവിയും' എന്നതായിരുന്നു രണ്ടാം ദിവസത്തെ പ്രമേയം. അതിർത്തി കടന്നുള്ള കുറ്റകൃത്യങ്ങളിലും യുഎഇയുടെ വിപുലമായ സൈബർ സുരക്ഷാ തന്ത്രങ്ങളിലും അന്താരാഷ്ട്ര സഹകരണത്തിൻ്റെ ആവശ്യകത സമ്മേളത്തിന്റെ രണ്ടാം ദിവസം ചർച്ച ചെയ്തു.
'സൈബർ സുരക്ഷയിലെ നൂതനമായ പരിഹാരങ്ങളും പ്രാദേശിക, ആഗോള സ്ഥിരതയിലുള്ള അവരുടെ സ്വാധീനവും' എന്ന വിഷയത്തിൽ ഒരു കേസ് സ്റ്റഡി അവതരണം സൈബർ സുരക്ഷാ അപകടസാധ്യതകളെയും അന്താരാഷ്ട്ര സുരക്ഷയ്ക്കുള്ള അവസരങ്ങളെയും കുറിച്ചുള്ള നൂതന കാഴ്ചപ്പാടുകൾ പ്രദർശിപ്പിച്ചു. നാഷണൽ മീഡിയ ഓഫീസ് ചെയർമാൻ ശൈഖ് അബ്ദുല്ല ബിൻ മുഹമ്മദ് ബിൻ ബുട്ടി അൽ ഹമദിൻ്റെ നേതൃത്വത്തിൽ 'നെക്സസ് നാവിഗേറ്റിംഗ്: എഐ, ടെക്നോളജി വഴി ദേശീയ സുരക്ഷയിൽ യുവജന നേതൃത്വം' എന്ന തലക്കെട്ടിൽ, പ്രതിരോധത്തിൻ്റെ സർക്കിളുകളുടെ ഒരു പുതിയ സെഷനോടെ സമ്മേളനം സമാപിച്ചു.
WAM/ അമൃത രാധാകൃഷ്ണൻ