അബുദാബി, 25 മെയ്, 2024 (WAM) --ചൈനീസ് പ്രസിഡൻ്റ് ഷി ജിൻപിങ്ങിൻ്റെ ക്ഷണത്തെ തുടർന്ന് യുഎഇ രാഷ്ട്രപതി ശൈഖ് മുഹമ്മദ് ബിൻ സായിദ് അൽ നഹ്യാൻ മെയ് 30ന് ചൈന സന്ദർശിക്കും. സന്ദർശനം ഉഭയകക്ഷി ബന്ധങ്ങളിലും സാമ്പത്തിക, വികസന, സാംസ്കാരിക മേഖലകളിൽ സഹകരണത്തിനുള്ള അവസരങ്ങളിലും ശ്രദ്ധ കേന്ദ്രീകരിക്കും.
ഇരു രാജ്യങ്ങളും തമ്മിലുള്ള നയതന്ത്ര ബന്ധത്തിൻ്റെ 40-ാം വാർഷികത്തിലും ചൈന-അറബ് സ്റ്റേറ്റ്സ് കോ-ഓപ്പറേഷൻ ഫോറത്തിൻ്റെ 10-ാമത് മന്ത്രിതല സമ്മേളനത്തിലും യുഎഇ രാഷ്ട്രപതി പങ്കെടുക്കും. പരസ്പര താൽപര്യമുള്ള പ്രാദേശിക, അന്തർദേശീയ വിഷയങ്ങളും ഇരു നേതാക്കളും സന്ദർശന വേളയിൽ ചർച്ച ചെയ്യും.
WAM/അമൃത രാധാകൃഷ്ണൻ