അബുദാബി, 26 മെയ്, 2024 (WAM) --ഈജിപ്തിലെ അൽ അരിഷിലുള്ള യുഎഇ ഫ്ലോട്ടിംഗ് ഹോസ്പിറ്റൽ ഗാസയിലെ പലസ്തീൻ രോഗികൾക്ക് ഉയർന്ന തലത്തിലുള്ള ആരോഗ്യ സേവനങ്ങൾ നൽകുന്നതിനായി ന്യൂറോ സർജന്മാരും മാക്സിലോഫേഷ്യൽ, ഡെൻ്റൽ സ്പെഷ്യലിസ്റ്റുകളും ഉൾപ്പെടെയുള്ള പ്രത്യേക മെഡിക്കൽ സ്റ്റാഫിനെ ചേർക്കുന്നതായി പ്രഖ്യാപിച്ചു.ഗാസയിലെ പലസ്തീൻ ജനതയ്ക്ക് ഉയർന്ന തലത്തിലുള്ള ആരോഗ്യ സേവനങ്ങൾ നൽകാനാണ് ഈ സംരംഭം ലക്ഷ്യമിടുന്നത്.
ഉയർന്ന നിലവാരമുള്ള സേവനങ്ങൾ നൽകുന്നതിനായി ആശുപത്രിയുടെ കഴിവുകളും മെഡിക്കൽ വിഭവങ്ങളും വർധിപ്പിക്കുന്നതിനുള്ള ആശുപത്രിയുടെ പ്രതിജ്ഞാബദ്ധതയെക്കുറിച്ച് ആശുപത്രി ഡയറക്ടർ ഡോ. അഹമ്മദ് മുബാറക് ഊന്നിപ്പറഞ്ഞു. ന്യൂറോ സർജറി, മാക്സിലോഫേഷ്യൽ, ഡെൻ്റൽ ഡിപ്പാർട്ട്മെൻ്റുകൾ കൂട്ടിച്ചേർക്കുന്നത് സമഗ്രമായ ആരോഗ്യ സേവനങ്ങൾ ഒരു കുടക്കീഴിൽ ലഭ്യമാക്കുക എന്ന ആശുപത്രിയുടെ ദൗത്യത്തിന് സംഭാവന സംഭാവന നൽകുമെന്ന് അദ്ദേഹം വിശദീകരിച്ചു.
ഗാസയിലെ സംഘർഷത്തിനിടെ പരിക്കേറ്റവർക്കും കൈകാലുകൾ നഷ്ടപ്പെട്ടവർക്കും പ്രോസ്തെറ്റിക് കൈകാലുകൾ ആശുപത്രി നൽകുന്നു. നിലവിൽ, രോഗികൾക്ക് ഫിസിക്കൽ തെറാപ്പിയും മനഃശാസ്ത്രപരമായ പുനരധിവാസവും നൽകുന്നത്തിന് ഒരു പ്രത്യേക മെഡിക്കൽ സംഘത്തെ ഇവിടെ സജ്ജീകരിച്ചിട്ടുണ്ട്.
യുഎഇ നേതൃത്വത്തിൻ്റെ നിർദ്ദേശങ്ങൾക്കനുസരിച്ച് രോഗികൾക്ക് ഉയർന്ന നിലവാരത്തിലുള്ള വൈദ്യ പരിചരണവും പിന്തുണയും ലഭിക്കുന്നുണ്ടെന്ന് ഉറപ്പാക്കിക്കൊണ്ട്, ആശുപത്രിയുടെ ആരോഗ്യ പരിപാലനം മെച്ചപ്പെടുത്തുന്നതിനുള്ള നിരന്തരമായ ശ്രമങ്ങളുമായി ഈ വിപുലീകരണം യോജിക്കുന്നു.
WAM/അമൃത രാധാകൃഷ്ണൻ