മനാമ, 27 മെയ് 2024 (WAM) --മെയ് 29-ന് നടക്കുന്ന 54-ാമത് അറബ് ഇൻഫർമേഷൻ മിനിസ്റ്റേഴ്സ് കൗൺസിൽ യോഗത്തിൻ്റെ ഒരുക്കങ്ങളുടെ ഭാഗമായി ബഹ്റൈനിൽ നടന്ന അറബ് മാധ്യമങ്ങൾക്കായുള്ള സ്ഥിരം സമിതിയുടെ 101-ാമത് സെഷനിൽ യുഎഇ പങ്കെടുത്തു.
വിപുലമായ തന്ത്രങ്ങളെ അടിസ്ഥാനമാക്കിയുള്ള സവിശേഷമായ മാധ്യമാനുഭവവും മാധ്യമ മേഖലയുടെ വികസനത്തിന് പിന്തുണ നൽകുന്ന ഡിജിറ്റൽ ഇൻഫ്രാസ്ട്രക്ചറും യുഎഇക്കുണ്ടെന്ന് സ്ട്രാറ്റജി ആൻഡ് മീഡിയ പോളിസി സിഇഒയും യുഎഇ മീഡിയ കൗൺസിൽ സെക്രട്ടറിയുമായ മൈത മജീദ് അൽ സുവൈദി പറഞ്ഞു.
ഒബ്സർവേറ്ററി ചട്ടം, സംയോജിത പ്ലാറ്റ്ഫോം, അറബ് ഇൻസ്റ്റിറ്റ്യൂട്ട് ഫോർ പീസ് ജേർണലിസം, അറബ് ഇലക്ട്രോണിക് മീഡിയ കമ്മിറ്റി ശുപാർശകൾ എന്നിവ സ്വീകരിച്ച് വിദേശത്ത് അറബ് മാധ്യമങ്ങൾ എത്തിക്കാനുള്ള പദ്ധതിയിൽ യോഗം ശ്രദ്ധ കേന്ദ്രീകരിച്ചു. ബഹ്റൈനിൽ നടന്ന 33-ാമത് അറബ് ഉച്ചകോടി അംഗീകരിച്ച തീവ്രവാദത്തെ ചെറുക്കുന്നതിനുള്ള അറബ് മാധ്യമങ്ങളുടെ സംയുക്ത തന്ത്രത്തിൻ്റെ ഘട്ടം ഘട്ടമായുള്ള പദ്ധതി നടപ്പിലാക്കുന്നതിനുള്ള മികച്ച മാർഗങ്ങളും സ്ഥിരം സമിതി ചർച്ച ചെയ്തു. ഭീകരതയെ നേരിടാൻ അറബ് മാധ്യമങ്ങളുടെ സംയുക്ത തന്ത്രം നടപ്പിലാക്കുക എന്നതും മറ്റ് അജണ്ട ഇനങ്ങളിൽ ഉൾപ്പെടുന്നു.
WAM/അമൃത രാധാകൃഷ്ണൻ