അബുദാബി, 5 ജൂൺ 2024 (WAM) --യുഎഇ സെൻട്രൽ ബാങ്ക്(സിബിയുഎഇ) എംബ്രിഡ്ജ് പദ്ധതിയുടെ മിനിമം വയബിൾ പ്രൊഡക്റ്റ് (എംവിപി) പ്ലാറ്റ്ഫോം, മൊത്ത ക്രോസ്-ബോർഡർ പേയ്മെൻ്റുകൾക്കും സെറ്റിൽമെൻ്റിനുമുള്ള മൾട്ടി-സെൻട്രൽ ബാങ്ക് ഡിജിറ്റൽ കറൻസി (സിബിഡിസി) പൊതു പ്ലാറ്റ്ഫോം ആരംഭിച്ചു. എംവിപി ഘട്ടത്തിലെത്തിയ ആദ്യ മൾട്ടി-സിബിഡിസി പ്ലാറ്റ്ഫോമാണ് ഇത്. 2024 ജനുവരിയിൽ, സിബിയുഎഇയുടെ വൈസ് പ്രസിഡൻ്റ്, ഡെപ്യൂട്ടി പ്രധാനമന്ത്രി, പ്രസിഡൻഷ്യൽ കോർട്ട് ചെയർമാൻ, ബോർഡ് ചെയർമാനുമായ ശൈഖ് മൻസൂർ ബിൻ സായിദ് അൽ നഹ്യാൻ, എംബ്രിഡ്ജ് വഴി 50 ദശലക്ഷം ദിർഹം മൂല്യമുള്ള സിബിയുഎഇയുടെ സിബിഡിസി ആയ 'ഡിജിറ്റൽ ദിർഹം' ചൈനയിലേക്ക് ക്രോസ്-ബോർഡർ പേയ്മെൻ്റ് നടത്തിയിരുന്നു.
യുഎഇ ലൈസൻസുള്ള നിരവധി ധനകാര്യ സ്ഥാപനങ്ങളെ(എൽഎഫ്ഐകൾ) എംബ്രിഡ്ജ് പ്ലാറ്റ്ഫോമിൽ ഉൾപ്പെടുത്തിയിട്ടുണ്ട്, അത് ത്വരിതപ്പെടുത്തുന്നതിനുള്ള സഹകരണ ശ്രമങ്ങൾ നടക്കുന്നു. പങ്കെടുക്കുന്ന അധികാരപരിധിയിൽ അതിർത്തി കടന്നുള്ള പേയ്മെൻ്റുകൾക്കായി എംബ്രിഡ്ജ് പ്ലാറ്റ്ഫോമിൻ്റെ വർദ്ധിച്ചുവരുന്ന ഉപയോഗം സിബിയുഎഇ പ്രതീക്ഷിക്കുന്നു. എംബ്രിഡ്ജ് പ്രോജക്റ്റ്, അന്താരാഷ്ട്ര വ്യാപാരത്തിനും സഹകരണത്തിനും പിന്തുണ നൽകുന്നതിനായി മൾട്ടി-സിബിഡിസി പ്ലാറ്റ്ഫോം വഴി സമ്പദ്വ്യവസ്ഥകളെ ബന്ധിപ്പിക്കുന്നതിനും നിലവിലുള്ള ക്രോസ്-ബോർഡർ പേയ്മെൻ്റ് സംവിധാനങ്ങളുടെ വെല്ലുവിളികളെ തരണം ചെയ്യുന്നതിനും സെൻട്രൽ ബാങ്ക് പണത്തിൽ കാര്യക്ഷമവും കുറഞ്ഞ ചെലവും തൽക്ഷണ ക്രോസ്-ബോർഡർ പേയ്മെൻ്റുകളും വാഗ്ദാനം ചെയ്യുന്നു.
എംബ്രിഡ്ജിലെ സിബിയുഎഇയുടെ പങ്കാളിത്തം ധനകാര്യ സേവന മേഖലയിൽ നവീകരണം, കാര്യക്ഷമത, സാമ്പത്തിക ഉൾപ്പെടുത്തൽ എന്നിവ പ്രോത്സാഹിപ്പിക്കുക എന്ന തന്ത്രപരമായ ലക്ഷ്യങ്ങളുമായി ഒത്തുപോകുന്നതാണ് ഈ സംരംഭമെന്ന് സിബിയുഎഇ ഗവർണർ ഖാലിദ് മുഹമ്മദ് ബാലമ പറഞ്ഞു.
WAM/അമൃത രാധാകൃഷ്ണൻ