ദുബായ്, 9 ജൂലൈ 2024 (WAM) -- ഹംദാൻ ബിൻ റാഷിദ് അൽ മക്തൂം ഫൗണ്ടേഷൻ ഫോർ മെഡിക്കൽ ആൻഡ് എജ്യുക്കേഷണൽ സയൻസസ് 2024-ലെ ഗിഫ്റ്റ്നെസ് ആൻഡ് ഇന്നൊവേഷൻ സമ്മർ പ്രോഗ്രാം ആരംഭിച്ചു. ജൂലൈ 23 വരെ നീളുന്ന പ്രോഗ്രാം ദുബായിലെ സെൻ്റർ ഫോർ ഗിഫ്റ്റഡ്നെസ് ആൻഡ് ഇന്നൊവേഷനാണ് സംഘടിപ്പിക്കുന്നത്.
പരിപാടിയിൽ ആർട്ടിഫിഷ്യൽ ഇൻ്റലിജൻസ്, ഡിജിറ്റൽ ഡിസൈൻ, മാനുഫാക്ചറിംഗ് തുടങ്ങിയ മേഖലകളിലെ വർക്ക് ഷോപ്പുകളും പ്രവർത്തനങ്ങളും ഉൾപ്പെടുന്നു.കൂടാതെ, യുഎഇയിലെ പ്രമുഖ സ്ഥാപനങ്ങളിലേക്കുള്ള ഫീൽഡ് സന്ദർശനങ്ങളും ഇതിൽ ഉൾപ്പെടുന്നു.വിവിധ പ്രവർത്തനങ്ങളിലും പ്രോജക്ടുകളിലും പ്രകടമായ നേട്ടങ്ങളിലൂടെ വിദ്യാർത്ഥികളിൽ ആത്മവിശ്വാസം വളർത്തുന്നതിൽ ഈ പ്രോഗ്രാമുകൾ സഹായകമാണ്.
പരമ്പരാഗത പാഠ്യപദ്ധതികൾക്കപ്പുറം അവരുടെ വിദ്യാഭ്യാസ ചക്രവാളങ്ങൾ വിശാലമാക്കിക്കൊണ്ട് പുതിയ കഴിവുകൾ പഠിക്കാനും നേടാനുമുള്ള അവസരങ്ങൾ വിദ്യാർത്ഥികൾക്ക് നൽകാനാണ് സമ്മർ പ്രോഗ്രാം ലക്ഷ്യമിടുന്നതെന്ന് ഹംദാൻ ബിൻ റാഷിദ് അൽ മക്തൂം ഫൗണ്ടേഷൻ ഫോർ മെഡിക്കൽ ആൻഡ് എജ്യുക്കേഷണൽ സയൻസസ് സെക്രട്ടറി ജനറലും സിഇഒയുമായ ഡോ. ഖലീഫ അൽ സുവൈദി പറഞ്ഞു.
സമ്മർ പ്രോഗ്രാം ഫോർ ഇന്നൊവേഷൻ 14-22 വയസ് പ്രായമുള്ള വിദ്യാർത്ഥികളെ ലക്ഷ്യമിടുന്നു, അതേസമയം ഗിഫ്റ്റ്നെസിനായുള്ള സമ്മർ പ്രോഗ്രാം 10-17 വയസ് പ്രായമുള്ള വിദ്യാർത്ഥികളെയാണ് ലക്ഷ്യമിടുന്നത്.