അബുദാബി, 19 ജൂലൈ 2024 (WAM) --ലോകമെമ്പാടുമുള്ള വിവിധ തന്ത്രപ്രധാന മേഖലകളിലെ ഇലക്ട്രോണിക് സംവിധാനങ്ങളെ ബാധിച്ച ക്രൗഡ് സ്ട്രൈക്ക് സോഫ്റ്റ്വെയറിൻ്റെ ആഗോള സാങ്കേതിക തകർച്ചയെ തുടർന്ന് സൈബർ ആക്രമണങ്ങളുടെയോ ലംഘനങ്ങളുടെയോ സൂചനകളൊന്നും ലഭിച്ചിട്ടില്ലെന്ന്, യുഎഇ സൈബർ സുരക്ഷാ കൗൺസിൽ സ്ഥിരീകരിച്ചു.
സാധ്യതയുള്ള സൈബർ ക്രിമിനൽ ചൂഷണം ഒഴിവാക്കാൻ ജാഗ്രതാ നിർദേശം നൽകിയതായും, ഔദ്യോഗിക, അന്തർദേശീയ പങ്കാളികളുമായി സഹകരിച്ച് ആഗോള സാങ്കേതിക പ്രശ്നം പരിഹരിക്കാനുള്ള ശ്രമങ്ങൾ നടന്നുവരികയാണെന്ന് കൗൺസിൽ പ്രസ്താവിച്ചു.
ഔദ്യോഗിക സ്രോതസ്സുകളിൽ നിന്ന് വിവരങ്ങൾ തേടാനും കിംവദന്തികൾ പ്രചരിപ്പിക്കുന്നത് ഒഴിവാക്കാനും കൗൺസിൽ പൊതുജനങ്ങളോട് അഭ്യർത്ഥിച്ചു.