അബുദാബി, 26 ഓഗസ്റ്റ്, 2024 (WAM) --- അബുദാബിയിലെ അൽ ഖത്മ് അസ്ട്രോണമിക്കൽ ഒബ്സർവേറ്ററി
ഇന്നലെ രാത്രി ഒരു ശക്തമായ കോസ്മിക് സ്ഫോടനം വിജയകരമായി നിരീക്ഷിക്കുകയും രേഖപ്പെടുത്തുകയും ചെയ്തു.ഇതോടെ ഈ പ്രതിഭാസത്തിൻ്റെ ഫലങ്ങൾ പ്രസിദ്ധീകരിക്കുന്ന ലോകത്തിലെ മൂന്നാമത്തെ നിരീക്ഷണാലയമായി അൽ ഖത്മ് മാറി.
നാസയുടെ സ്വിഫ്റ്റ്, ഫെർമി ബഹിരാകാശ ദൂരദർശിനികൾ ആദ്യം കണ്ടെത്തിയ സംഭവം, 6 ബില്യൺ പ്രകാശവർഷം അകലെയുള്ള ഒരു ഗാലക്സിയിൽ ഒരു ഭീമൻ നക്ഷത്രം പൊട്ടിത്തെറിച്ചതിൻ്റെ ഫലമായി ഉണ്ടായതാകാമെന്നാണ് ഗവേഷകർ നിരീക്ഷിക്കുന്നത്. സ്പോടനത്തെ തുടർന്നുള്ള ഒപ്റ്റിക്കൽ ആഫ്റ്റർഗ്ലോ നിരീക്ഷിച്ചാണ് ഈ വിലയിരുത്തൽ. ഈ പ്രതിഭാസത്തിന് GRB 240825A എന്ന് പേരിട്ടു.
ഇൻ്റർനാഷണൽ അസ്ട്രോണമി സെൻ്ററും അമേരിക്കൻ യൂണിവേഴ്സിറ്റി ഓഫ് ഷാർജയും തമ്മിലുള്ള സഹകരണത്തിൻ്റെ ഭാഗമായിരുന്നു ഈ നിരീക്ഷണം. ഒബ്സർവേറ്ററിയുടെ ദൂരദർശിനി ഗാമാ കിരണങ്ങളുടെയും എക്സ്-റേകളുടെയും ഉറവിടത്തിലേക്ക് നയിക്കപ്പെട്ടു, രണ്ട് മണിക്കൂർ നിരീക്ഷണത്തിന് ശേഷം, ദൃശ്യപ്രകാശം പിടിച്ചെടുക്കുകയും തെളിച്ചം അളക്കാൻ അനുവദിക്കുകയും ചെയ്തു. വരും ദിവസങ്ങളിലും ആഴ്ചകളിലും ഗവേഷകർ പഠിക്കുന്ന ആഫ്റ്റർഗ്ലോ അതിവേഗം മാങ്ങാനുള്ള സാധ്യത ഡാറ്റ വ്യക്തമാക്കി. ഭീമാകാരമായ നക്ഷത്രങ്ങളുടെ പരിണാമം, അവയുടെ മരണത്തിൻ്റെ ആദ്യ നിമിഷങ്ങൾ, അവ ഉത്പാദിപ്പിക്കുന്ന വിവിധ തരം വികിരണങ്ങൾ എന്നിവ മനസ്സിലാക്കാൻ ശാസ്ത്രജ്ഞരെ സഹായിക്കുന്നതിനാൽ നിരീക്ഷണാലയത്തിൻ്റെ നിരീക്ഷണങ്ങൾ ആഗോള തലത്തിൽ ശ്രദ്ധേയമാണ്.