അബുദാബി, 24 ഒക്ടോബർ 2024 (WAM) --അങ്കാറയിലെ ടർക്കിഷ് എയ്‌റോസ്‌പേസ് ഇൻഡസ്ട്രീസ് കമ്പനിക്ക് നേരെയുണ്ടായ ഭീകരാക്രമണത്തിൽ കൊല്ലപ്പെട്ടവർക്ക് അനുശോചനം അറിയിക്കാൻ യുഎഇ രാഷ്‌ട്രപതി ശൈഖ് മുഹമ്മദ് ബിൻ സായിദ് അൽ നഹ്യാൻ തുർക്കി രാഷ്‌ട്രപതി റജബ് ത്വയ്യിബ് എർദോഗനുമായി ഫോൺ സംഭാഷണത്തിൽ ഏർപ്പെട്ടു. പരിക്കേറ്റവർ വേഗത്തിൽ സുഖം പ്രാപിക്കട്ടെയെന്ന് അദ്ദേഹം ആശംസിക്കുകയും സുരക്ഷയെ അസ്ഥിരപ്പെടുത്തുകയും അന്താരാഷ്ട്ര നിയമം ലംഘിക്കുകയും ചെയ്യുന്ന അക്രമത്തെയും ഭീകരതയെയും നിരസിച്ച് തുർക്കിയോട് ഐക്യദാർഢ്യം പ്രകടിപ്പിക്കുകയും ചെയ്തു. യുഎഇ രാഷ്ട്രപതിയുടെ ഐക്യദാർഢ്യത്തിന് നന്ദി പറഞ്ഞ എർദോഗൻ ഇരു രാജ്യങ്ങളും അവരുടെ ജനങ്ങളും തമ്മിലുള്ള അടുത്ത ബന്ധവും എടുത്തുപറഞ്ഞു.
ഭീകരാക്രമണത്തിന് ഇരകളായ തുർക്കിഷ് ജനതക്ക് യുഎഇ രാഷ്‌ട്രപതി ഐക്യദാർഢ്യം പ്രഖ്യാപിച്ചു
