അബുദാബി, 13 നവംബർ 2024 (WAM) -- സെൻട്രൽ കമ്മീഷൻ ഫോർ ഡിസിപ്ലിൻ ഇൻസ്പെക്ഷൻ ഡെപ്യൂട്ടി സെക്രട്ടറിയും ചൈനയുടെ നാഷണൽ സൂപ്പർവൈസറി കമ്മീഷൻ ഡെപ്യൂട്ടി ഡയറക്ടറുമായ ലിയു സൂക്സിനും അദ്ദേഹത്തോടൊപ്പമുള്ള പ്രതിനിധി സംഘവുമായി നീതിന്യായ മന്ത്രി അബ്ദുല്ല സുൽത്താൻ ബിൻ അവാദ് അൽ നുഐമി, കൂടിക്കാഴ്ച നടത്തി.
നിയമപരവും നീതിന്യായപരവുമായ സഹകരണം വർധിപ്പിക്കുക, അഴിമതി തടയുന്നതിനുള്ള ശ്രമങ്ങൾ ഏകോപിപ്പിക്കുക, ഇരു രാജ്യങ്ങളും തമ്മിലുള്ള അന്താരാഷ്ട്ര സഹകരണം ശക്തിപ്പെടുത്തുക തുടങ്ങിയ കാര്യങ്ങൾ ഇരുപക്ഷവും ചർച്ച ചെയ്തു.
അബുദാബിയിലെ നീതിന്യായ മന്ത്രാലയത്തിലെ ഓഫീസിൽ നടന്ന യോഗത്തിൽ ഇൻ്റർനാഷണൽ കോ-ഓപ്പറേഷൻ ആൻഡ് ലീഗൽ അഫയേഴ്സ് സെക്ടർ അസിസ്റ്റൻ്റ് അണ്ടർ സെക്രട്ടറി അബ്ദുൽറഹ്മാൻ മുറാദ് അൽ ബ്ലൂഷി, യുഎഇയിലെ ചൈനീസ് അംബാസഡർ ഷാങ് യിമിംഗ് എന്നിവർ പങ്കെടുത്തു.