അബുദാബി, ജനുവരി 2, 2025 (WAM) --നാളെ ഭാഗികമായി മേഘാവൃതമായ കാലാവസ്ഥയായിരിക്കും, മഴയ്ക്ക് സാധ്യതയുണ്ടെന്നും ദേശീയ കാലാവസ്ഥ കേന്ദ്രം(എൻസിഎം) പ്രവചിക്കുന്നു. ചില ഉൾനാടൻ പ്രദേശങ്ങളിൽ രാത്രിയിലും ശനിയാഴ്ച രാവിലെയും കാലാവസ്ഥ ഈർപ്പമുള്ളതായിരിക്കുമെന്ന് പ്രതീക്ഷിക്കുന്നു.
ചില ഉൾനാടൻ പ്രദേശങ്ങളിൽ നേരിയതോ മിതമായതോ ആയ കാറ്റ് ഉണ്ടാകുമെന്നും വടക്കുപടിഞ്ഞാറൻ ദിശയിൽ നിന്ന് മണിക്കൂറിൽ 15 മുതൽ 40 കിലോമീറ്റർ വരെ വേഗതയിൽ കാറ്റ് വീശുമെന്നും എൻസിഎം അതിന്റെ ദൈനംദിന കാലാവസ്ഥ റിപ്പോർട്ടിൽ പറഞ്ഞു. അറേബ്യൻ ഗൾഫിൽ കടൽ പ്രക്ഷുബ്ധമായിരിക്കുമെന്നും, ഒമാൻ കടലിൽ മിതമായതോ നേരിയതോ ആയ തിരമാലകൾ ഉണ്ടാക്കാൻ സാധ്യതയുണ്ടെന്നും റിപ്പോർട്ട് വ്യക്തമാക്കുന്നു.