അബുദാബി, 20 മാർച്ച് 2025 (WAM) --യുഎഇയുടെ സമഗ്ര ഡിജിറ്റൽ ട്രാൻസ്ഫോർമേഷൻ ലക്ഷ്യങ്ങളിലേക്ക് വേഗത്തിലേക്ക് മുന്നേറുന്നതിന്റെ ഭാഗമായുള്ള പ്രധാന ഘട്ടമായി, ഇലക്ട്രോണിക് ഇൻവോയിസിംഗ് സംവിധാനത്തിന് കീഴിലുള്ള സർവീസ് പ്രൊവൈഡർമാരുടെ അർഹതാ മാനദണ്ഡങ്ങളും അക്രഡിറ്റേഷൻ നടപടിക്രമങ്ങളും വ്യക്തമാക്കുന്ന മന്ത്രിതലതീരുമാനം പുറത്തിറക്കി.
ഇലക്ട്രോണിക് ഇൻവോയിസിംഗ് സംവിധാനത്തിന് കീഴിലുള്ള അർഹതാ മാനദണ്ഡങ്ങൾ, അക്രഡിറ്റേഷൻ നടപടിക്രമങ്ങൾ, തുടർന്നുള്ള വിലയിരുത്തലുകളും അക്രഡിറ്റേഷൻ റദ്ദാക്കൽ നടപടികളും നിശ്ചയിക്കുന്ന ചട്ടരൂപമാണ് പുതിയ തീരുമാനം. പപ്പോൾ അനുസൃതമായ സാങ്കേതിക മാനദണ്ഡങ്ങളോടൊപ്പം കമ്പനി രജിസ്ട്രേഷൻ, ടാക്സ് രജിസ്ട്രേഷൻ, ഇൻഫർമേഷൻ സെക്യൂരിറ്റി തുടങ്ങിയ വിഷയങ്ങളിലും നിർദ്ദേശങ്ങൾ വ്യക്തമാക്കുന്നു.
പുതിയ നിയമം അനുസരിച്ച് അക്രഡിറ്റേഷൻ നേടുന്ന സേവനദാതാക്കൾക്ക് മാത്രമേ യുഎഇയിൽ ഇ ഇൻവോയിസിംഗ് സേവനങ്ങൾ നൽകാൻ അധികാരമുള്ളതാവൂ. ഇതോടെ എല്ലാ ഇൻവോയിസിംഗ് ക്രെഡിറ്റ് നോട്ടുകളും സ്ട്രക്ചേഡ് ഡിജിറ്റൽ ഫോർമാറ്റിൽ, മെഷീൻ വായനയോഗ്യമായി, ഫെഡറൽ ടാക്സ് അതോറിറ്റിയിലേക്ക് കൃത്യതയോടെ റിപ്പോർട്ട് ചെയ്യാൻ കഴിയുമെന്ന് മന്ത്രാലയം വ്യക്തമാക്കി.
ഇൻവോയിസിംഗ് സേവനദാതാക്കൾക്ക് വേണ്ടി പ്രത്യേക പോർട്ടലും മന്ത്രാലയം സജ്ജമാക്കിയിട്ടുണ്ട്. 'അക്രഡിറ്റേഷൻ ഓഫ് ഇന്വോയിസിങ് സർവീസ് പ്രൊവൈഡേഴ്സ് പോർട്ടൽ' എന്ന ഈ ഡിജിറ്റൽ പ്ലാറ്റ്ഫോം മുഖേന മുഴുവൻ അക്രഡിറ്റേഷൻ നടപടികളും നടത്താവുന്നതാണ്.
അന്തർദ്ദേശീയ മാനദണ്ഡങ്ങൾ പാലിച്ച്, സാങ്കേതികവും ഓപ്പറേഷണലുമായ സുരക്ഷാമാനദണ്ഡങ്ങൾ കർശനമായി പാലിച്ചിരിക്കണം സർവീസ് ദാതാക്കൾ. രണ്ട് വർഷത്തേക്കാണ് അക്രഡിറ്റേഷൻ നൽകുക. കാലാവധി അവസാനിക്കുന്നതിന് മുൻപേ പുതുക്കലിന് അപേക്ഷിക്കേണ്ടതായിരിക്കും. കൃത്യമായ പാലനമില്ലെങ്കിൽ അക്രഡിറ്റേഷൻ റദ്ദാക്കാനും രണ്ട് വർഷം വരെ നിരോധിക്കാനും മന്ത്രാലയത്തിന് അധികാരമുണ്ടാകും.
ഗവേർണൻസ് കാര്യക്ഷമതയും സാമ്പത്തിക സേവനങ്ങളുടെ നിലവാരവും ഉയർത്തുന്നതിനുള്ള ഡിജിറ്റൽ നവീകരണ ശ്രമത്തിന്റെ ഭാഗമായാണ് ഈ നീക്കം.