അബുദാബി, 2025 മെയ് 16 (WAM) --.അബുദാബി കിരീടാവകാശി ശൈഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാനും യുഎസ് പ്രസിഡന്റ് ഡൊണാൾഡ് ട്രംപും അബുദാബിയിൽ നടന്ന യുഎഇ-യുഎസ് ബിസിനസ് ഡയലോഗിൽ പങ്കെടുത്തു. ഈ വർഷം ആദ്യം പ്രഖ്യാപിച്ച 1.4 ട്രില്യൺ യുഎസ് ഡോളറിന്റെ നിക്ഷേപ പദ്ധതിയുടെ പുരോഗതി അവലോകനം ചെയ്തുകൊണ്ട് ഇരു രാജ്യങ്ങളും തമ്മിലുള്ള നിലവിലുള്ളതും ഭാവിയിലുള്ളതുമായ സഹകരണങ്ങൾ പരിപാടിയിൽ എടുത്തുകാട്ടി. സാമ്പത്തിക വളർച്ച, തൊഴിലവസരങ്ങൾ സൃഷ്ടിക്കൽ, നവീകരണം എന്നിവയെ പിന്തുണയ്ക്കുന്ന തരത്തിൽ ഇരു രാജ്യങ്ങളും തമ്മിലുള്ള സാമ്പത്തിക, നിക്ഷേപ സഹകരണം വികസിപ്പിക്കുക എന്നതാണ് സംഭാഷണത്തിന്റെ ലക്ഷ്യം.
ഊർജ്ജം, ആരോഗ്യ സംരക്ഷണം, വ്യോമയാനം, വ്യവസായം, എഐ, നൂതന സാങ്കേതികവിദ്യ, വിനോദം, കായികം, ടൂറിസം എന്നിവയുൾപ്പെടെ പ്രധാന മേഖലകളിലായി നിരവധി പുതിയ കരാറുകൾ പരിപാടിയിൽ പ്രഖ്യാപിച്ചു. ഊർജ മേഖലയിൽ, യുഎഇ ഊർജ്ജ പദ്ധതികളിൽ 60 ബില്യൺ യുഎസ് ഡോളർ വരെ അമേരിക്കൻ നിക്ഷേപം സുഗമമാക്കുന്നതിനുള്ള തന്ത്രപരമായ കരാറുകൾ പ്രഖ്യാപിച്ചു. അപ്പർ സകം ഓഫ്‌ഷോർ ഫീൽഡിൽ ഉൽപാദന ശേഷി വർദ്ധിപ്പിക്കുന്നതിനായി എക്സോൺമൊബിലുമായി അഡ്നോകിന്റെ വികസന പദ്ധതി, ഷാ ഗ്യാസ് ഫീൽഡിൽ ശേഷി വർദ്ധിപ്പിക്കുന്നതിനായി ഓക്‌സിഡന്റലുമായി ഒരു പ്രത്യേക കരാർ, അബുദാബിയിലെ പാരമ്പര്യേതര എണ്ണ, വാതക പര്യവേക്ഷണത്തിനായി ഊർജ സ്രോതസുകൾക്ക് പുതിയ ഇളവ് നൽകുന്നത് എന്നിവ ഇതിൽ ഉൾപ്പെടുന്നു.
വ്യോമയാന മേഖലയിൽ, ജിഇ എഞ്ചിനുകൾ ഘടിപ്പിച്ച 28 ബോയിംഗ് 787, 777X വിമാനങ്ങൾക്കുള്ള ഓർഡർ എത്തിഹാദ് എയർവേയ്‌സ് സ്ഥിരീകരിച്ചു. സാങ്കേതികവിദ്യയിലും നവീകരണത്തിലും, അബുദാബിയിൽ അടുത്ത തലമുറ എഐ, ഡാറ്റാ സെന്റർ പരിഹാരങ്ങൾ എന്നിവയിൽ ശ്രദ്ധ കേന്ദ്രീകരിച്ച് ഒരു നൂതന ആഗോള എഞ്ചിനീയറിംഗ് കേന്ദ്രം സ്ഥാപിക്കുന്നതിനായി അബുദാബി ഇൻവെസ്റ്റ്‌മെന്റ് ഓഫീസ് (ADIO) ക്വാൽകോമുമായി ഒരു പങ്കാളിത്തം പ്രഖ്യാപിച്ചു.
പ്രധാന സർക്കാർ, വ്യാവസായിക മേഖലകളിൽ ഡിജിറ്റൽ പരിവർത്തനത്തെ പിന്തുണയ്ക്കുന്ന നൂതന കണക്റ്റിവിറ്റി, 5G, എഐ സാങ്കേതികവിദ്യകളുടെ വികസനം ത്വരിതപ്പെടുത്തുന്നതിന് ഇത്തിസലാത്തും
ക്വാൽകോവും സഹകരണം പ്രഖ്യാപിച്ചു. ഇത്തിസലാത്തും യുഎഇ സൈബർ സുരക്ഷാ കൗൺസിലും അംഗീകരിച്ചതും ഇഡബ്ല്യുഎസ് നൽകുന്നതുമായ യുഎഇ സോവറിൻ ലോഞ്ച്പാഡ്, രാജ്യത്തുടനീളമുള്ള പൊതു ക്ലൗഡ് പ്രാപ്തമാക്കലിൽ ഒരു പുതിയ യുഗത്തെ അടയാളപ്പെടുത്തുന്നു.
നിർമ്മാണ മേഖലയിൽ, എമിറേറ്റ്സ് ഗ്ലോബൽ അലുമിനിയം (ഇജിഎ) 1980 ന് ശേഷം യുഎസിൽ ആദ്യത്തെ പുതിയ പ്രാഥമിക അലുമിനിയം ഉൽപാദന പ്ലാന്റ് നിർമ്മിക്കാനുള്ള പദ്ധതികളിൽ പുരോഗതി പ്രഖ്യാപിച്ചു, ഈ പദ്ധതിയിൽ 4 ബില്യൺ യുഎസ് ഡോളർ നിക്ഷേപിച്ചു. ആരോഗ്യ സംരക്ഷണ മേഖലയിൽ, മെഡിക്കൽ നവീകരണം ത്വരിതപ്പെടുത്തുന്നതിനും രോഗികളുടെ ഫലങ്ങൾ മെച്ചപ്പെടുത്തുന്നതിനും നൂതന സാങ്കേതികവിദ്യകളും ഗവേഷണങ്ങളും പ്രയോജനപ്പെടുത്തുന്നതിന് നിരവധി സംരംഭങ്ങൾ പ്രഖ്യാപിച്ചു.