റോം, 2025 ജൂൺ 22 (WAM) --ഇറ്റലി പലസ്തീനെ ഒരു രാഷ്ട്രമായി അംഗീകരിക്കണമെന്ന് അറബ് പാർലമെന്റ് പ്രസിഡന്റ് മുഹമ്മദ് ബിൻ അഹമ്മദ് അൽ യമഹി, ആവശ്യപ്പെട്ടു. ഇസ്രായേൽ നടത്തുന്ന വംശഹത്യയും പലസ്തീൻ ജനതയുടെ പട്ടിണിയും തടയാൻ ഇറ്റാലിയൻ സർക്കാർ നയങ്ങൾ സ്വീകരിക്കുമെന്ന് അദ്ദേഹം പ്രത്യാശ പ്രകടിപ്പിച്ചു.
ഇന്റർഫെയ്ത്ത് ഡയലോഗിനെക്കുറിച്ചുള്ള രണ്ടാം പാർലമെന്ററി സമ്മേളനത്തിൽ അറബ് പാർലമെന്റ് പങ്കെടുത്ത വേളയിൽ ഇറ്റാലിയൻ ചേംബർ ഓഫ് ഡെപ്യൂട്ടീസ് പ്രസിഡന്റ് ലോറെൻസോ ഫോണ്ടാനയുമായുള്ള കൂടിക്കാഴ്ചയിലാണ് അൽ യമഹിയുടെ പരാമർശം.
ഇറാനും ഇസ്രായേലും തമ്മിൽ നടന്നുകൊണ്ടിരിക്കുന്ന യുദ്ധം മൂലം മിഡിൽ ഈസ്റ്റ് അഭൂതപൂർവമായ പിരിമുറുക്കങ്ങൾ നേരിടുന്നുണ്ടെന്നും നയതന്ത്ര പരിഹാരങ്ങളാണ് ശാശ്വത സമാധാനത്തിനും സ്ഥിരതയ്ക്കും ഉള്ള ഏക മാർഗമെന്നും അദ്ദേഹം ഊന്നിപ്പറഞ്ഞു.