അബുദാബി, 30 ജനുവരി 2024 (WAM) -- ഫെഡറൽ നാഷണൽ സ്പീക്കർ ഹിസ് എക്സലൻസി സഖർ ഘോബാഷിൻ്റെ സാന്നിധ്യത്തിൽ യുഎഇ രാഷ്ട്രപതി ശൈഖ് മുഹമ്മദ് ബിൻ സായിദ് അൽ നഹ്യാൻ തുർക്കി ഗ്രാൻഡ് നാഷണൽ അസംബ്ലിയുടെ സ്പീക്കർ നൂമാൻ കുർത്തുൽമുഷിയുമായി കൂടിക്കാഴ്ച്ച നടത്തി.
അബുദാബിയിലെ കസർ അൽ ബഹറിൽ നടന്ന കൂടിക്കാഴ്ച്ചയിൽ, കുർത്തുൽമുഷി യുഎഇയുടെ തുടർച്ചയായ പുരോഗതിക്കും സമൃദ്ധിക്കും തുർക്കി രാഷ്ട്രപതി റെസെപ് തയ്യിപ് എർദോഗൻ്റെ ആശംസകൾ
ശൈഖ് മുഹമ്മദിനെ അറിയിച്ചു. യുഎഇ രാഷ്ട്രപതി തിരിച്ച് തുർക്കി രാഷ്ട്രപതിക്കും ജനങ്ങൾക്കും കൂടുതൽ ഐശ്വര്യവും, സമൃദ്ധിയും കൈവരിക്കാനാവട്ടെയെന്നും ആശംസിച്ചു.
യുഎഇയും തുർക്കിയും തമ്മിലുള്ള ബന്ധത്തെക്കുറിച്ചും പരസ്പര താൽപ്പര്യമുള്ള നിരവധി വിഷയങ്ങൾക്ക് പുറമേ എല്ലാ തലങ്ങളിലും ബന്ധം മെച്ചപ്പെടുത്തുന്നതിനുള്ള വഴികളും യോഗം പര്യവേക്ഷണം ചെയ്തു.
ലോകമെമ്പാടുമുള്ള ജനങ്ങൾക്കിടയിൽ സമാധാനം, സംവാദം, പങ്കിട്ട മാനുഷിക മൂല്യങ്ങൾ എന്നിവ പ്രോത്സാഹിപ്പിക്കുന്നതിൽ പാർലമെൻ്റിൻ്റെ പങ്ക് എന്നിവയിൽ പാർലമെൻ്ററി ബന്ധങ്ങളുടെ പ്രാധാന്യവും യോഗം ഊന്നിപ്പറഞ്ഞു.
WAM/ അമൃത രാധാകൃഷ്ണൻ