അജ്മാൻ, 1 ഫെബ്രുവരി 2024 (WAM) -- 2,581,376 യാത്രക്കാർ കഴിഞ്ഞ വർഷം അജ്മാനിലെ പൊതു ബസുകൾ ഉപയോഗിച്ചതായി അധികൃതർ അറിയിച്ചു. 1,910,151 പേർ ആഭ്യന്തര റൂട്ടുകളിലും 671,225 പേർ ബാഹ്യ റൂട്ടുകളിലും യാത്ര ചെയ്യുന്നത്തിനാണ് സർവീസുകൾ ഉപയോഗിച്ചത്.
84,459 ആഭ്യന്തര റൂട്ടുകളും 41,652 ബാഹ്യ റൂട്ടുകളും ഉൾപ്പടെ മൊത്തം 126,111 റൂട്ടുകളാണ് എമിറേറ്റിൻ്റെ ബസ് ശൃംഖലയിലുള്ളത്. കാര്യക്ഷമമായ പൊതുഗതാഗത സംവിധാനം ഉറപ്പാക്കാനാണ് അതോറിറ്റി ലക്ഷ്യമിടുന്നതെന്ന് അജ്മാൻ ട്രാൻസ്‌പോർട്ട് അതോറിറ്റിയുടെ ഡയറക്ടർ ജനറൽ ഒമർ മുഹമ്മദ് ലൂത്ത പറഞ്ഞു.
WAM/അമൃത രാധാകൃഷ്ണൻ