അബുദാബി, 6 ഫെബ്രുവരി 2024 (WAM) -- യുഎഇയിൽ പ്രവർത്തിക്കുന്ന ഇൻഷുറൻസ് ഏജൻ്റായ സ്മാർട്ട് ആൻഡ് സെക്യൂർ ഇൻഷുറൻസ് ഏജൻ്റിൻ്റെ (സ്മാർട്ട് ആൻഡ് സെക്യൂർ) ലൈസൻസും, രജിസ്ട്രേഷനും യുഎഇ സെൻട്രൽ ബാങ്ക് (സിബിയുഎഇ) റദ്ദാക്കി. ഇൻഷുറൻസ് ഏജൻ്റ്സ് ബിസിനസിൻ്റെ നിയന്ത്രണവുമായി ബന്ധപ്പെട്ട 2011 ലെ 08-ലെ പ്രമേയത്തിൻ്റെ ആർട്ടിക്കിൾ 20 അനുസരിച്ചാണ് നടപടി.
സിബിയുഎഇ ദുർബലമായ കംപ്ലയൻസ് ചട്ടക്കൂടും റെഗുലേറ്ററി ബാധ്യതകൾ നിറവേറ്റുന്നതിൽ പരാജയപ്പെട്ടത്തിനെ തുടർന്നാണ് ഭരണാനുമതി റദ്ദ് ചെയ്തത്.
സൂപ്പർവൈസറി, റെഗുലേറ്ററി മാൻഡേറ്റുകൾ വഴി, എല്ലാ ഇൻഷുറൻസ് കമ്പനികളും ഇൻഷുറൻസ് സംബന്ധിയായ പ്രൊഫഷണലുകളും യുഎഇ നിയമങ്ങളും നിയന്ത്രണങ്ങളും മാനദണ്ഡങ്ങളും പാലിക്കുന്നുണ്ടെന്ന് ഉറപ്പാക്കാൻ സിബിയുഎഇ പ്രവർത്തിക്കുന്നു. ഇൻഷുറൻസ് വ്യവസായത്തിൻ്റെയും യുഎഇയുടെ സാമ്പത്തിക വ്യവസ്ഥയുടെയും സുതാര്യതയും സമഗ്രതയും സംരക്ഷിക്കുന്നതിനാണ് ഇത്.
WAM/അമൃത രാധാകൃഷ്ണൻ