ദുബായ്, 13 ഫെബ്രുവരി 2024 (WAM) -- ലോകമെമ്പാടുമുള്ള സമഗ്ര വികസനത്തിൻ്റെ സാധ്യതകളെ വൈരുദ്ധ്യങ്ങൾ എങ്ങനെ ദുർബലപ്പെടുത്തുന്നുവെന്ന് എടുത്തുകാണിച്ച് 'ആഘാതകരമായ വികസന ഫലങ്ങൾ - ലോക ബാങ്ക് പ്രസിഡൻ്റുമായുള്ള ഒരു സംഭാഷണം' എന്ന തലക്കെട്ടിൽ ലോക ഗവൺമെൻറ് ഉച്ചകോടിയിൽ(ഡബ്ല്യുജിഎസ്) ഒരു സെഷൻ സംഘടിപ്പിച്ചു.
ഫുജൈറയുടെ കിരീടാവകാശിയായ ശൈഖ് മുഹമ്മദ് ബിൻ ഹമദ് ബിൻ മുഹമ്മദ് അൽ ഷർഖിയുടെയും , ദുബായിലെ ആദ്യ ഡെപ്യൂട്ടി ഭരണാധികാരിയും ഉപപ്രധാനമന്ത്രിയും ധനമന്ത്രിയുമായ ശൈഖ് മക്തൂം ബിൻ മുഹമ്മദ് ബിൻ റാഷിദ് അൽ മക്തൂമിന്റെയും സാന്നിധ്യത്തിലാണ് സെഷൻ നടന്നത്.
ലോകത്തെ മുഴുവൻ ഉൾക്കൊള്ളുന്ന വികസനം നേരിടുന്ന ഏറ്റവും വലിയ വെല്ലുവിളി യുദ്ധങ്ങളുടെ ഫലമായി നിരവധി രാജ്യങ്ങളിൽ നിലനിൽക്കുന്ന അസ്ഥിരതയാണെന്ന്, ലോകബാങ്ക് ഗ്രൂപ്പ് പ്രസിഡൻ്റ് അജയ് ബംഗ, ഊന്നിപ്പറഞ്ഞു. ആഫ്രിക്കയിലെ 130 ദശലക്ഷം ആളുകൾക്ക് ബാങ്ക് ആക്സസ് ഉറപ്പാക്കാൻ തങ്ങൾ പ്രവർത്തിക്കുന്നുണ്ടെന്നും അദ്ദേഹം അഭിപ്രായപ്പെട്ടു.
സഹിഷ്ണുത സഹവർത്തിത്വ മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ; കാബിനറ്റ് കാര്യ മന്ത്രിയും ലോക ഗവൺമെൻ്റ് ഉച്ചകോടിയുടെ ചെയർമാനുമായ മുഹമ്മദ് ബിൻ അബ്ദുല്ല അൽ ഗെർഗാവിയും സെഷനിൽ പങ്കെടുത്തു.
സിഎൻബിസിയിൽ നിന്ന് ഡാൻ മർഫി മോഡറേറ്റ് ചെയ്ത സെഷനിൽ, വളർച്ചയും സമൃദ്ധിയും സമാധാനവും സ്ഥിരതയും തമ്മിൽ ബന്ധപ്പെട്ടിരിക്കുന്നുവെന്ന് ബംഗ സ്ഥിരീകരിച്ചു. മനുഷ്യരാശിയുടെ മെച്ചപ്പെട്ട ഭാവിക്കായി യുവാക്കളെയും സ്ത്രീകളെയും പിന്തുണയ്ക്കുന്നതിനായി ലോകത്തെ നിരവധി രാജ്യങ്ങളുമായി ബാങ്ക് സഹകരിക്കുന്നുണ്ടെന്ന് അദ്ദേഹം ചൂണ്ടിക്കാട്ടി.
ദാരിദ്ര്യം തുടച്ചുനീക്കുക, ഗ്രഹത്തിൻ്റെ ആരോഗ്യം സംരക്ഷിക്കുക, കാലാവസ്ഥ വെല്ലുവിളികളെ അഭിമുഖീകരിക്കുക എന്നിവയാണ് ബാങ്കിൻ്റെ മുൻഗണനാ പട്ടികയിലെ ഏറ്റവും പ്രധാനപ്പെട്ട വിഷയങ്ങളെന്ന് അദ്ദേഹം പറഞ്ഞു. “വായ്പ ആവശ്യപ്പെടുന്ന രാജ്യങ്ങളിലെ വികസന ശ്രമങ്ങൾ ത്വരിതപ്പെടുത്തുകയും അവരുടെ ജനങ്ങളെ സേവിക്കുന്ന പദ്ധതികൾ പൂർത്തിയാക്കാൻ സഹായിക്കുകയും ചെയ്യുക എന്ന ലക്ഷ്യത്തോടെ ലോൺ ചർച്ച കാലയളവ് 19 മാസത്തിന് പകരം പരമാവധി 12 മാസമായി കുറയ്ക്കാൻ ലോക ബാങ്ക് പ്രവർത്തിക്കുന്നു,” അദ്ദേഹം കൂട്ടിച്ചേർത്തു.
ലോകബാങ്ക്, അതിൻ്റെ കാഴ്ചപ്പാടും തന്ത്രവും ക്രമീകരിച്ചു, അങ്ങനെ ദാരിദ്ര്യം തുടച്ചുനീക്കുന്നതിനും ഗ്രഹത്തെ ജീവിക്കാനുള്ള മികച്ച സ്ഥലമാക്കി മാറ്റുന്നതിനും, പ്രതിസന്ധികളെയും പകർച്ചവ്യാധികളെയും അഭിമുഖീകരിക്കുന്നതിൽ രാജ്യങ്ങളെ പിന്തുണയ്ക്കുന്നതിലൂടെ സഹായം നയിക്കപ്പെടുമെന്ന് അദ്ദേഹം പറഞ്ഞു. ബാങ്കിൻ്റെ വാർഷിക ധനസഹായത്തിൻ്റെ 45 ശതമാനം കാലാവസ്ഥ ആഘാതങ്ങളെയും വെല്ലുവിളികളെയും ചെറുക്കാനുള്ള ശ്രമങ്ങളെ പിന്തുണയ്ക്കുന്നതിനാണ് നീക്കിവച്ചിരിക്കുന്നതെന്നും കാലാവസ്ഥാ വ്യതിയാനത്തോട് പൊരുത്തപ്പെടാനും അതിൻ്റെ പ്രതികൂല ഫലങ്ങൾ ലഘൂകരിക്കാനും രാജ്യങ്ങളെ സഹായിക്കുക എന്ന ലക്ഷ്യത്തോടെ പ്രവർത്തിക്കുമെന്നും അദ്ദേഹം ചൂണ്ടിക്കാട്ടി.
അടുത്ത രണ്ട് ദശാബ്ദങ്ങളിൽ ലോകബാങ്കിൻ്റെ ശ്രദ്ധ പ്രാഥമിക വിദ്യാഭ്യാസത്തിനും കൃഷിക്കും പിന്തുണ നൽകുന്നതിനും സ്ത്രീകൾക്കും യുവാക്കൾക്കും ശരിയായ വിദ്യാഭ്യാസവും ജോലിയും ലഭിക്കുന്നുണ്ടെന്ന് ഉറപ്പാക്കാൻ ശാക്തീകരിക്കുന്നതിലായിരിക്കും, കാരണം അവർ അവരുടെ സമൂഹത്തിൻ്റെ പ്രധാന സ്തംഭങ്ങളെ പ്രതിനിധീകരിക്കുന്നു. ഗ്രഹത്തിൻ്റെ ആരോഗ്യത്തിലും കാര്യമായ ശ്രദ്ധ ചെലുത്തുന്നു, അദ്ദേഹം പറഞ്ഞു.
ആഫ്രിക്കയിലെ 130 ദശലക്ഷത്തിലധികം ആളുകളെ പവർ ഗ്രിഡുകളുമായി ബന്ധിപ്പിക്കാൻ ബാങ്ക് പ്രവർത്തിക്കുന്നുണ്ടെന്ന് അദ്ദേഹം ചൂണ്ടിക്കാട്ടി. ഇത് ഓരോ മനുഷ്യൻ്റെയും അടിസ്ഥാന അവകാശമാണ്, പദ്ധതി പൂർത്തീകരിക്കുന്നതിന് സ്വീകർത്താവ് രാജ്യങ്ങളിലെ സർക്കാരുകളുടെ സഹകരണം ആവശ്യമാണെന്ന് ചൂണ്ടിക്കാട്ടി. ഭാവി തന്ത്രങ്ങളുടെ ഭാഗമായി, ബദൽ വിളകൾ നൽകാനും വികസ്വര രാജ്യങ്ങളെ കാലാവസ്ഥ വ്യതിയാനവുമായി പൊരുത്തപ്പെടാൻ സഹായിക്കാനും ബാങ്ക് ശ്രമിക്കുന്നു, കൂടാതെ സമർപ്പിത നിക്ഷേപങ്ങൾ വർദ്ധിപ്പിക്കുന്നതിന് വന പദ്ധതികളിൽ ശ്രദ്ധ കേന്ദ്രീകരിക്കുകയും ചെയ്യുന്നു.
" ദാരിദ്ര്യം, രോഗം, വിവിധ പ്രതിസന്ധികൾ എന്നിവയിൽ നിന്ന് ആളുകളെ സംരക്ഷിക്കുന്നതിനായി ഫണ്ടിംഗ് അഭ്യർത്ഥിക്കുന്ന രാജ്യങ്ങൾ ഈ ലക്ഷ്യങ്ങൾ കൈവരിക്കുന്നതിന് ആവശ്യമായ നടപടികൾ സ്വീകരിച്ചിട്ടുണ്ടെന്ന് ഉറപ്പുവരുത്തിയതിന് ശേഷം,ലോകബാങ്ക് മുൻഗണന പദ്ധതികൾക്ക് ധനസഹായം നൽകും, " അദ്ദേഹം കൂട്ടിച്ചേർത്തു.
“വരും വർഷങ്ങളിൽ, വികസനം നയിക്കാൻ സഹായിക്കുന്നതിന്, രാജ്യങ്ങൾക്കും സർക്കാരുകൾക്കുമൊപ്പം സ്വകാര്യ മേഖലയെയും ബാങ്ക് ലക്ഷ്യമിടുന്നു,” വൈദഗ്ധ്യം വികസിപ്പിക്കുന്നതിലും മാനവികതയുടെ ക്ഷേമവും സുരക്ഷയും ലക്ഷ്യമിടുന്ന എല്ലാ മേഖലകളിലും 80 വർഷം മുമ്പ് സ്ഥാപിതമായ ലോക ബാങ്ക് ഗ്രൂപ്പ് ശ്രദ്ധ കേന്ദ്രീകരിക്കുമെന്ന് ബംഗ പറഞ്ഞു.
WAM/അമൃത രാധാകൃഷ്ണൻ