ആഭ്യന്തര മന്ത്രാലയത്തിൻ്റെ മയക്കുമരുന്ന് നയവും, ഇലക്ട്രോണിക് തട്ടിപ്പ് തടയുന്നതിനെക്കുറിച്ചും ചർച്ച ചെയ്ത് എഫ്എൻസി കമ്മിറ്റി യോഗം

ദുബായ്, 2024 മാർച്ച് 4 (WAM) -- ആഭ്യന്തര മന്ത്രാലയത്തിൻ്റെ മയക്കുമരുന്ന് നയത്തെക്കുറിച്ചും ഇലക്ട്രോണിക് തട്ടിപ്പ് തടയുന്നതിനെക്കുറിച്ചും ഫെഡറൽ നാഷണൽ കൗൺസിലിൻ്റെ (എഫ്എൻസി) പ്രതിരോധ, ആഭ്യന്തര, വിദേശകാര്യ സമിതി ഡോ. അലി റാഷിദ് അൽ നുഐമിയുടെ അധ്യക്ഷതയിൽ ചേർന്ന യോഗത്തിൽ ചർച്ച ചെയ്തു.

ദുബായിൽ നടന്ന യോഗത്തിൽ മന്ത്രാലയത്തിലെ പ്രതിനിധികളും, കമ്മിറ്റിയുടെ റിപ്പോർട്ടർ സാറാ മുഹമ്മദ് ഫാൽകിനാസ് ഉൾപ്പെടെയുള്ള കമ്മിറ്റി അംഗങ്ങളും എഫ്എൻസിയിലെ നിരവധി അംഗങ്ങളും യോഗത്തിൽ പങ്കെടുത്തു.

ഡ്രാഫ്റ്റ് റിപ്പോർട്ടിൽ ഭേദഗതികൾ വരുത്തി അംഗീകാരത്തിനായി അയക്കാൻ തീരുമാനിച്ച്, മയക്കുമരുന്നുകളെയും തന്ത്രങ്ങളെയും ചെറുക്കുന്നതിൽ ആഭ്യന്തര മന്ത്രാലയത്തിൻ്റെ ശ്രമങ്ങൾ കമ്മിറ്റി അവലോകനം ചെയ്തു.

മയക്കുമരുന്ന്, ഇലക്ട്രോണിക് തട്ടിപ്പ് എന്നിവയെ ചെറുക്കുന്നതിനുള്ള മന്ത്രാലയത്തിൻ്റെ നയം, തന്ത്രങ്ങളിൽ ശ്രദ്ധ കേന്ദ്രീകരിക്കുക, അധികാരികളുമായുള്ള ഏകോപനം, കമ്മ്യൂണിറ്റി ബോധവൽക്കരണ സംരംഭങ്ങൾ എന്നിവയെക്കുറിച്ച് അവർ ചർച്ച ചെയ്തു.

WAM/അമൃത രാധാകൃഷ്ണൻ