ഷാർജ, 2024 മാർച്ച് 4 (WAM) -- ഷാർജയിലെ ഗവൺമെൻ്റ് റിലേഷൻസ് ഡിപ്പാർട്ട്മെൻ്റ് (ഡിജിആർ) ഡയറക്ടർ ശൈഖ് മജീദ് ബിൻ അബ്ദുല്ല അൽ ഖാസിമി, ബെൽജിയത്തിൻ്റെ വിദേശകാര്യ മന്ത്രി ഹജ്ജ ലഹ്ബീബിനെ ഷാർജയിലെ വിസ്ഡം ഹൗസിൽ സ്വീകരിച്ചു.
കൂടിക്കാഴ്ചയിൽ, എമിറേറ്റും ബെൽജിയൻ നഗരങ്ങളും തമ്മിലുള്ള സാംസ്കാരിക, സാമ്പത്തിക, ശാസ്ത്ര മേഖലകളിലെ ബന്ധങ്ങളും സഹകരണവും ശക്തിപ്പെടുത്തുന്നത് ഇരുപക്ഷവും പര്യവേക്ഷണം ചെയ്തു.
ഷാർജയും ബെൽജിയൻ സ്ഥാപനങ്ങളും തമ്മിലുള്ള പൊതു-സ്വകാര്യ മേഖലകളിലെ ബന്ധം മെച്ചപ്പെടുത്തുന്നതിനും അന്താരാഷ്ട്ര പങ്കാളിത്തം വിപുലീകരിക്കുന്നതിനും ഷാർജയുടെ വികസന യാത്രയെയും അതിൻ്റെ പരിപാടികളെയും വിദ്യാഭ്യാസം, ആരോഗ്യ സംരക്ഷണം, ശാസ്ത്രം, സാങ്കേതിക വിദ്യ ഉൾപ്പെടെ സുപ്രധാന മേഖലകളിൽ വളരാനുള്ള പദ്ധതികളെയും പിന്തുണയ്ക്കുന്നതിനുള്ള ഡിജിആറിൻ്റെ തുടർച്ചയായ ശ്രമങ്ങളുമായി സന്ദർശനം യോജിക്കുന്നു.
സന്ദർശന വേളയിൽ സംഘം ഷാർജ എയർപോർട്ട് ഫ്രീ സോൺ സന്ദർശിച്ചു. ഈ പ്രദേശത്ത് പ്രവർത്തിക്കുന്ന ബെൽജിയൻ കമ്പനികളെക്കുറിച്ച് ബെൽജിയൻ വിദേശകാര്യ മന്ത്രിക്ക് സംഘം വിശദീകരിച്ച് കൊടുത്തു. ബിസിനസ് ലൈസൻസിംഗ് പ്രവർത്തനങ്ങളെക്കുറിച്ചും അതോറിറ്റിയുടെ ഫ്രീ സോണുകളിൽ പ്രവർത്തിക്കുന്നവർക്ക് നൽകുന്ന ആനുകൂല്യങ്ങളെക്കുറിച്ചും വിദേശകാര്യ മന്ത്രിക്ക് വിവരം ലഭിച്ചു.
കൂടാതെ, മന്ത്രി ലഹ്ബീബ് ഇക്വസ്ട്രിയൻ ക്ലബ്ബും ഷാർജ ഇക്വീൻ ഹോസ്പിറ്റലും സന്ദർശിച്ചു. അവിടെ നൈറ്റ് ഇൻ ദി ഓർഡർ ഓഫ് ലിയോപോൾഡ് പദവി (പൊതുജനങ്ങൾക്ക് പ്രയോജനപ്പെടുന്ന ശ്രേഷ്ഠമായ പ്രവർത്തനങ്ങൾക്കും നൽകുന്ന ഏറ്റവും ഉയർന്ന ബെൽജിയൻ അലങ്കാരമാണിത്) ലഭിച്ച ഡോ. മിക്കി ഡി റിക്കിനെ അവർ സന്ദർശിച്ചു.
WAM/അമൃത രാധാകൃഷ്ണൻ