അബുദാബി, 2024 മാർച്ച് 05, (WAM) --"ബേർഡ്സ് ഓഫ് ഗുഡ്നെസ്" ഓപ്പറേഷൻ്റെ ഭാഗമായി വടക്കൻ ഗാസ മുനമ്പിൽ യുഎഇ, ഈജിപ്ഷ്യൻ വ്യോമസേനകൾ നടത്തുന്ന മാനുഷിക, ദുരിതാശ്വാസ സഹായത്തിൻ്റെ രണ്ടാമത്തെ എയർഡ്രോപ്പ് പൂർത്തിയാക്കിയതായി പ്രതിരോധ മന്ത്രാലയത്തിൻ്റെ ജോയിൻ്റ് ഓപ്പറേഷൻസ് കമാൻഡ് പ്രഖ്യാപിച്ചു.
ഏകദേശം 42 ടൺ ഭക്ഷണവും വൈദ്യസഹായവും വഹിക്കുന്ന മൂന്ന് വിമാനങ്ങൾ ഉപയോഗിച്ചാണ് ഇരു രാജ്യങ്ങളിലെയും സംയുക്ത സംഘങ്ങൾ ഓപ്പറേഷൻ നടത്തിയത്, ഓപ്പറേഷൻ ആരംഭിച്ചതിനുശേഷം ആകെ 78 ടണ്ണം സഹായം വിതരണം ചെയ്തു.
യുഎഇ രാഷ്ട്രപതി ശൈഖ് മുഹമ്മദ് ബിൻ സായിദ് അൽ നഹ്യാൻ്റെ നിർദ്ദേശങ്ങൾക്ക് അനുസൃതമായി 2023 നവംബർ 5-ന് ആരംഭിച്ച ഗാലൻ്റ് നൈറ്റ് 3 മാനുഷിക പ്രവർത്തനത്തിൻ്റെ ഭാഗമാണ് ഓപ്പറേഷൻ ബേർഡ്സ് ഓഫ് ഗുഡ്നെസ്.
ആഴ്ചകളോളം നീണ്ടുനിൽക്കുന്ന ഈ ഓപ്പറേഷൻ, ഗാസയിലെ ജനങ്ങളെ പിന്തുണയ്ക്കുന്നതിനുള്ള യുഎഇ-ഈജിപ്ത് ഏകോപനത്തിൻ്റെ പ്രതിബന്ധത പ്രകടമാക്കുന്നു. ഗാസ മുനമ്പിലെ ദാരുണമായ സാഹചര്യങ്ങളുടെ വെളിച്ചത്തിൽ ഫലസ്തീൻ ജനതയെ സഹായിക്കാനുള്ള അറബ് ഐക്യദാർഢ്യത്തിൻ്റെ ചട്ടക്കൂടിനുള്ളിലാണ് പ്രസ്തുത സഹായ നീക്കം.
ഈ മാനുഷിക പ്രവർത്തനം ഫലസ്തീൻ ജനതയ്ക്ക് എല്ലാത്തരം മാനുഷിക പിന്തുണയും നൽകി അവരുടെ ദുരിതങ്ങൾ ലഘൂകരിക്കാനും വെല്ലുവിളികളെ അതിജീവിക്കാനുമുള്ള യുണൈറ്റഡ് അറബ് എമിറേറ്റുകളുടെയും ഈജിപ്തിൻ്റെയും ദൃഢനിശ്ചയത്തെ പ്രതിഫലിപ്പിക്കുന്നു.