ഷാർജ, 5 മാർച്ച് 2024 (WAM) --ഫോട്ടോഗ്രാഫി, സിനിമ, മറ്റ് ദൃശ്യ മാധ്യമങ്ങൾ എന്നീ മേഖലകളിലെ പ്രാദേശിക പ്രതിഭകളെ പരിചയപ്പെടുത്തിക്കൊണ്ട് ഷാർജ ഗവൺമെൻ്റ് മീഡിയ ബ്യൂറോ (എസ്ജിഎംബി) സംഘടിപ്പിച്ച ഒരാഴ്ച നീണ്ടു നിന്ന എക്സ്പോഷർ ഇൻ്റർനാഷണൽ ഫോട്ടോഗ്രാഫി ഫെസ്റ്റിവൽ സമാപിച്ചു. അവസാന മൂന്ന് ദിവസങ്ങളിലായി നടന്ന വൈവിധ്യമാർന്ന സെഷനുകൾ പ്രേക്ഷകരെ ആകർഷിക്കുകയും എല്ലാ തലങ്ങളിലുമുള്ള ഫോട്ടോഗ്രാഫർമാരെ പ്രചോദിപ്പിക്കുകയും ചെയ്തു.
ഫോട്ടോ ജേർണലിസത്തെക്കുറിച്ചുള്ള ഉൾക്കാഴ്ചയുള്ള ചർച്ചകൾ മുതൽ സ്വദേശീയ പ്രതിഭകൾ നടത്തിയ വ്യത്യസ്ത ഷൂട്ടിംഗ് വിഭാഗങ്ങളെക്കുറിച്ചുള്ള ആഴത്തിലുള്ള സാങ്കേതിക സെഷനുകൾ വരെ, എല്ലാ പ്രായത്തിലും പരിചയ തലത്തിലും ഉള്ള താൽപ്പര്യക്കാർക്കും ഫോട്ടോഗ്രാഫിയുടെ ലോകത്ത് മുഴുകാനും അവരുടെ അറിവും വൈദഗ്ധ്യവും വർദ്ധിപ്പിക്കാനും ഫെസ്റ്റിവൽ ഒരു വേദിയൊരുക്കി.
യുവ അറബ് ജേണലിസ്റ്റ് അഹമ്മദ് ഉബൈദ് ഫോട്ടോ ജേർണലിസത്തിലെ തൻ്റെ യാത്രയെക്കുറിച്ചും, പത്രപ്രവർത്തനത്തിലെ യുവാക്കളുടെ കാഴ്ചപ്പാടുകൾ എന്ന വിഷയത്തിൽ തൻ്റെ കരിയറിൽ ഉടനീളം നേടിയ മൂല്യവത്തായ ഉൾക്കാഴ്ചകളും പ്രേക്ഷകർക്ക് പകർന്ന് നൽകി. വെല്ലുവിളികളെ അതിജീവിച്ച്, നല്ല അനുഭവങ്ങൾ സ്വീകരിച്ചുകൊണ്ട്, ഒബൈദ് വ്യക്തിപരമായ കഥകളും പ്രൊഫഷണൽ ഉപദേശങ്ങളും സദസ്സുമായി പങ്കുവെക്കുകയും, ഫോട്ടോഗ്രാഫിയിലൂടെ സ്വന്തം കഥപറച്ചിൽ ആരംഭിക്കാൻ പങ്കെടുക്കുന്നവരെ പ്രചോദിപ്പിക്കുകയും ചെയ്തു.
പ്രശസ്ത എഫ്പിവി (ഫസ്റ്റ് പേഴ്സൺ വ്യൂ) ഡ്രോൺ പൈലറ്റും വീഡിയോഗ്രാഫറുമായ അബ്ദുല്ല അൽഖാസിം, 'നിങ്ങളുടെ എഫ്പിവി യാത്ര എങ്ങനെ ആരംഭിക്കാം' എന്ന സെഷനിലൂടെ തൻ്റെ ഏരിയൽ ഫോട്ടോഗ്രാഫിക്ക് പിന്നിലെ രഹസ്യങ്ങൾ പങ്കിട്ടു കൊണ്ട്, അൽഖാസിം തുടക്കക്കാർക്കും പരിചയസമ്പന്നരായ ഡ്രോൺ-ഉപയോക്താക്കൾക്കു ആവശ്യമായ നുറുങ്ങുകൾ നൽകി. സാങ്കേതിക കൃത്യതയും ക്രിയാത്മക വീക്ഷണവും സംയോജിപ്പിക്കുന്നതിൽ അദ്ദേഹത്തിൻ്റെ വൈദഗ്ദ്ധ്യം പങ്കെടുക്കുന്നവർക്ക് അവരുടെ ഡ്രോൺ പറക്കൽ അനുഭവം പുതിയ ഉയരങ്ങളിലേക്ക് ഉയർത്താൻ പ്രചോദനമായി.
യുഎഇയിൽ നിന്നുള്ള പ്രശസ്ത ഫോട്ടോഗ്രാഫറായ അഹമ്മദ് അൽറൈസി തുടക്കക്കാരനായ ഷട്ടർബഗ്ഗുകൾക്കായി ഫോട്ടോഗ്രാഫി ഫാസ്റ്റ് പഠിക്കാനുള്ള എളുപ്പവഴി എന്ന സെഷനു നേതൃത്വം നൽകി. ഒരാളുടെ ഫോട്ടോഗ്രാഫി യാത്രയിൽ ലക്ഷ്യങ്ങൾ സ്ഥാപിക്കുന്നതിനും ശരിയായ മാനസികാവസ്ഥ വളർത്തിയെടുക്കുന്നതിനുമുള്ള ചർച്ചകളിലൂടെ അദ്ദേഹം മാർഗ്ഗനിർദ്ദേശങ്ങളും പ്രായോഗിക ഉപദേശങ്ങളും നൽകി, പങ്കാളികൾക്ക് അവരുടെ അഭിനിവേശം പിന്തുടരുന്നതിൽ ആത്മവിശ്വാസവും ലക്ഷ്യബോധവും നൽകി.
എക്സ്പോഷറിൻ്റെ സമാപന ദിവസം, വിദഗ്ധ ജ്യോതിശാസ്ത്രജ്ഞനായ യൂസഫ് അൽഖാസിമി ജ്യോതിശാസ്ത്ര ഫോട്ടോഗ്രാഫിയുടെ മേഖലകളിലെ കൗതുകങ്ങളെ കുറിച്ചുള്ള ഒരു സെഷൻ നയിച്ചു. വ്യതിരിക്തമായ സാങ്കേതിക വിദ്യകൾ ഉപയോഗിച്ച് നക്ഷത്രങ്ങളെ ചിത്രീകരിക്കുന്നതിനുള്ള വിവിധ മാർഗങ്ങളുടെ സമഗ്രമായ ഒരു അവലോകനം ആസ്ട്രോഫോട്ടോഗ്രഫി വാഗ്ദാനം ചെയ്തു. നക്ഷത്രപാതകൾ മുതൽ ആഴത്തിലുള്ള വസ്തുക്കൾ വരെ, ഗോള പ്രതിഭാസങ്ങളുടെ ചിത്രങ്ങൾ പകർത്തുന്നതിന് പിന്നിലെ രഹസ്യങ്ങളും അൽഖാസിമി പ്രേക്ഷകരുമായി പങ്കിട്ടു.
WAM/അമൃത രാധാകൃഷ്ണൻ