അബുദാബി, 18 മാർച്ച് 2024 (WAM) -- ഉപരാഷ്ട്രപതിയും ഉപപ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനുമായ ശൈഖ് മൻസൂർ ബിൻ സായിദ് അൽ നഹ്യാൻ, ഖസർ അൽ വതാനിലുള്ള അദ്ദേഹത്തിൻ്റെ ഓഫീസിൽ, യുഎഇയിലെ ഫ്രഞ്ച് അംബാസഡർ നിക്കോളാസ് നീംചിനോവിനെ സ്വീകരിച്ചു.
ഇരുരാജ്യങ്ങളുടെയും ജനങ്ങളുടെയും പരസ്പര നേട്ടങ്ങൾ കൈവരിക്കുന്ന വിധത്തിൽ നിക്ഷേപം, സാമ്പത്തികം, വികസനം, സാംസ്കാരിക മേഖലകളിൽ സഹകരണം വർധിപ്പിക്കുന്നതിനുള്ള അവസരങ്ങളും ഉഭയകക്ഷി ബന്ധങ്ങളും കൂടിക്കാഴ്ചയിൽ ചർച്ച ചെയ്തു.
ഇരുനേതാക്കളും നിരവധി പ്രാദേശിക, അന്തർദേശീയ വിഷയങ്ങളെക്കുറിച്ചും അവരുടെ കാഴ്ചപ്പാടുകൾ കൈമാറി.
WAM/അമൃത രാധാകൃഷ്ണൻ