അബുദാബി, 2024 ഏപ്രിൽ 22, (WAM) -- ബോട്ടിം അൾട്രാ ആപ്പിൽ സാമ്പത്തിക സേവനങ്ങൾ നൽകുന്നതിന് അബുദാബി ഇസ്ലാമിക് ബാങ്ക് (എഡിഐബി) ബോട്ടിമിൻ്റെ മാതൃ കമ്പനിയായ ആസ്ട്ര ടെക്കുമായി കൈകോർക്കുന്നു. ബോട്ടിം ഉപയോക്താക്കൾക്ക് അവരുടെ ആപ്പ് വഴി എഡിഐബി സേവനങ്ങളും ഉൽപ്പന്നങ്ങളും ആക്സസ് ചെയ്യുന്നതിനായി ഉപയോക്തൃ-സൗഹൃദ പാതകൾ വികസിപ്പിക്കാൻ ഈ പങ്കാളിത്തം ലക്ഷ്യമിടുന്നു. മെച്ചപ്പെടുത്തിയ പ്രവേശനക്ഷമതയ്ക്കായി ശരീഅ നിയമങ്ങൾ പാലിക്കുന്ന സാമ്പത്തിക സേവനങ്ങളെ ദൈനംദിന ഡിജിറ്റൽ ഇടപെടലുകളിലേക്ക് സമന്വയിപ്പിക്കാൻ ഈ സഹകരണം ശ്രമിക്കുന്നു. ഈ സഹകരണത്തിലൂടെ യുഎഇയിൽ ബോട്ടിം അൾട്രാ ആപ്പിൽ സാമ്പത്തിക സേവനങ്ങൾ നൽകുന്ന ആദ്യ ബാങ്കായി എഡിഐബി മാറി.
എഡിഐബിയുടെ സാമ്പത്തിക വൈദഗ്ധ്യം അസ്ട്രാ ടെക്കിന്റെ ബോട്ടിം അൾട്രാ ആപ്പുമായി സംയോജിപ്പിച്ച് ഒരു സുപ്രധാന നാഴികക്കല്ല് കൈവരിക്കും. ഈ സഹകരണം പരമ്പരാഗത ബാങ്കിംഗിൻ്റെ വിശ്വാസ്യതയും ഫിൻടെക്കിൻ്റെ ചടുലതയും നൂതനത്വവുമായി ലയിപ്പിക്കും, അതിലൂടെ ഇത് ഒരു പുതിയ വിപണി മാതൃക സൃഷ്ടിക്കും. എഡിഐബിയുടെ ശരിഅയയ്ക്ക് അനുസൃതമായ ബാങ്കിംഗ് ഉൽപ്പന്നങ്ങളും സേവനങ്ങളും ബോട്ടിം ആപ്പുമായി സംയോജിപ്പിക്കും, ഇത് യുഎഇയിലെ ദശലക്ഷക്കണക്കിന് ഉപയോക്താക്കൾക്ക് അവർ എവിടെയാണോ അവിടെത്തന്നെയിരുന്ന് ബാങ്കിംഗ് ചെയ്യുന്നതിനുള്ള തടസ്സമില്ലാത്തതും സുരക്ഷിതവുമായ മാർഗ്ഗം സൃഷ്ടിക്കും. ബോട്ടിം പ്ലാറ്റ്ഫോമിൽ എഡിഐബിയുടെ ഉൽപ്പന്നങ്ങളും സേവനങ്ങളും നേരിട്ട് ആക്സസ് ചെയ്യാൻ കഴിയുന്ന സൗകര്യം വികസിപ്പിക്കുന്നതിന് ബോട്ടിമുമായി ചേർന്ന് പ്രവർത്തിക്കുമെന്ന് എഡിഐബിയുടെ റീട്ടെയിൽ ബാങ്കിംഗ് ഗ്ലോബൽ ഹെഡ് അമിത് മൽഹോത്ര പറഞ്ഞു.
ഡിജിറ്റൽ ബാങ്കിംഗ് നവീകരണത്തിൽ എഡിഐബിയുടെ സ്ഥാനം ഉറപ്പിക്കുന്നു, സാമ്പത്തിക ഉൾപ്പെടുത്തലുകളോടും സുസ്ഥിരതയോടും ഉള്ള അവരുടെ പ്രതിബദ്ധതയുമായി യോജിപ്പിക്കുകയും അവരുടെ ഇഎസ്ജി ലക്ഷ്യങ്ങൾ കൂടുതൽ ശക്തിപ്പെടുത്തുകയും ചെയ്യുന്നു. എഡിഐബിയുമായുള്ള ഈ പങ്കാളിത്തം സാമ്പത്തിക സേവനങ്ങളിലേക്കുള്ള പ്രവേശനത്തിൽ വിപ്ലവം സൃഷ്ടിക്കുന്നതിനുള്ള സുപ്രധാന ചുവടുവയ്പാണെന്ന് ആസ്ട്ര ടെക്കിൻ്റെ സ്ഥാപകനും ബോട്ടിം സിഇഒയുമായ അബ്ദുല്ല അബു ഷെയ്ഖ് പറഞ്ഞു. ബോട്ടിമിൻ്റെ അൾട്രാ പ്ലാറ്റ്ഫോമിലേക്ക് എഡിഐബിയുടെ ബാങ്കിംഗ് സൊല്യൂഷനുകൾ ഉൾപ്പെടുത്തുന്നത് ബാങ്കിംഗിനെ ലളിതമാക്കുകയും ഡിജിറ്റൽ യുഗത്തിൽ സാമ്പത്തിക സേവനങ്ങൾ എങ്ങനെ വിതരണം ചെയ്യപ്പെടുന്നു എന്നതിന് ഒരു പുതിയ മാതൃക സൃഷ്ടിക്കുകയും ചെയ്യുന്നു. മേഖലയിലെ നവീകരണത്തിനും സാമ്പത്തിക ഉൾപ്പെടുത്തലിനുമുള്ള ആസ്ട്ര ടെക്കിൻ്റെ പ്രതിബദ്ധതയുടെ തെളിവാണ് ഈ നീക്കം.