കൗൺസിലിൻ്റെ തിയേറ്ററിൽ നടന്ന 'ചിൽഡ്രൻ ഇൻ യുഎഇ' എന്ന സിനിമയുടെ പ്രീമിയർ ചടങ്ങിൽ മലേഷ്യയിലെ രാജാവിൻ്റെ ഭാര്യയും പഹാങ് സ്റ്റേറ്റ് രാജ്ഞിയുമായ തുങ്കു അസീസ അമീന മൈമൂന ഇസ്കന്ദരിയ പങ്കെടുത്തു. യുഎഇ രാഷ്ട്രപതിയുടെ നയതന്ത്ര ഉപദേഷ്ടാവ് ഡോ. അൻവർ ഗർഗാഷ്, അറബ് ലീഗ് അസിസ്റ്റൻ്റ് സെക്രട്ടറി ജനറലും സാമൂഹിക കാര്യ വിഭാഗം പ്രസിഡൻ്റുമായ ഡോ. ഹൈഫ അബു ഗസാല, സുപ്രീം മദർഹുഡ് ആൻഡ് ചൈൽഡ്ഹുഡ് കൗൺസിലിൻ്റെ സെക്രട്ടറി ജനറൽ അൽ റീം ബിൻത് അബ്ദുല്ല അൽ ഫലാസി എന്നിവർ ചടങ്ങിൽ സന്നിഹിതരായിരുന്നു.
സമഗ്രമായ വളർച്ചയെ പരിപോഷിപ്പിക്കുന്ന, അവരുടെ കഴിവുകളും കഥാപാത്രങ്ങളും രൂപപ്പെടുത്തുന്ന ചുറ്റുപാടുകളിൽ വളരുന്ന കുട്ടികളുടെ കഥകളാണ് ചിത്രം പ്രദർശിപ്പിക്കുന്നത്. യുവമനസ്സുകളെ പരിപോഷിപ്പിക്കുന്നതിനുള്ള യുഎഇയുടെ സമർപ്പണത്തെ അടിവരയിടുകയും കുട്ടികളുടെ വിദ്യാഭ്യാസപരവും സാംസ്കാരികവും സാമൂഹികവും കായികപരവുമായ കഴിവുകൾ വർധിപ്പിക്കുന്നതിനുള്ള ആഴത്തിലുള്ള വീക്ഷണം സിനിമ പ്രദാനം ചെയ്യുന്നു. പെഡഗോഗിക്കൽ, സോഷ്യൽ ഡെവലപ്മെൻ്റ് സമ്പ്രദായങ്ങളിലെ പുരോഗതികളും പുതുമകളും പ്രദർശിപ്പിക്കുന്നതിനൊപ്പം യുവത്വത്തെ പ്രോത്സാഹിപ്പിക്കാനും സംരക്ഷിക്കാനും സിനിമ സമൂഹത്തോട് ആവശ്യപ്പെടുന്നു.
ഐഷ അൽ സാബി സംവിധാനം ചെയ്ത ചിത്രം സുപ്രീം കൗൺസിൽ ഫോർ മദർഹുഡ് ആൻഡ് ചൈൽഡ്ഹുഡാണ് ചിത്രം നിർമ്മിച്ചത്. കുട്ടികളുടെ അവകാശങ്ങൾക്കും നൈപുണ്യ വികസനത്തിനും വേണ്ടിയുള്ള യുഎഇയുടെ പ്രതിബദ്ധത ഈ സിനിമ അടിവരയിടുന്നു. സുസ്ഥിരമായ ഭാവിക്കായി കുട്ടികളുടെ ആദ്യ വർഷങ്ങളിൽ നിക്ഷേപം നടത്തേണ്ടതിൻ്റെ പ്രാധാന്യം അൽ ഫലാസി ഊന്നിപ്പറയുകയും കുട്ടികളുടെ അവകാശങ്ങൾ സംരക്ഷിക്കുന്നതിനും ഫലപ്രദമായ സമ്പ്രദായങ്ങളെക്കുറിച്ചുള്ള ചർച്ചകൾ പ്രോത്സാഹിപ്പിക്കുന്നതിനുമായി കൂടുതൽ ആഗോള സംരംഭങ്ങൾക്ക് ഊർജം പകരാൻ സിനിമ പ്രചോദനം നൽകുന്നു.
WAM/അമൃത രാധാകൃഷ്ണൻ