കുവൈത്ത്, 28 ഏപ്രിൽ 2024 (WAM) --കുവൈറ്റിലെ യൂണിയൻ ഓഫ് ഇൻവെസ്റ്റ്മെൻ്റ് കമ്പനീസ്, പബ്ലിക് അതോറിറ്റി ഫോർ ഇൻഡസ്ട്രി, പബ്ലിക് അതോറിറ്റി ഫോർ മാൻപവർ എന്നിവയുടെ സഹകരണത്തോടെ യുഎഇ എംബസിയുടെ ആഭിമുഖ്യത്തിൽ 'കുവൈറ്റിൻ്റെ സാധ്യതകൾ അൺലോക്ക് ചെയ്യുക' എന്ന പ്രമേയത്തിൽ യുഎഇ കമ്പനികളുടെ നിക്ഷേപ മീറ്റ് ഉദ്ഘാടനം ചെയ്തു. ആകർഷകമായ മേഖലകളും വ്യവസായങ്ങളും പഠിക്കുന്നതിനായി പ്രാദേശിക, അന്തർദേശിയ നിക്ഷേപ കമ്പനികളുടെയും സ്ഥാപനങ്ങളുടെയും ഒത്തുചേരലിലൂടെ കുവൈറ്റ് വിപണിയിലെ യുഎഇ സംരംഭങ്ങളുടെ പ്രധാന നിക്ഷേപവും വാണിജ്യ സാധ്യതകളും പര്യവേക്ഷണം ചെയ്യാൻ മീറ്റ് ലക്ഷ്യമിടുന്നു.
കുവൈറ്റിലെ യുഎഇ അംബാസഡർ ഡോ. മതർ അൽ നെയാദി പരിപാടി ഉദ്ഘാടനം ചെയ്തു, ആതിഥ്യമര്യാദയ്ക്കും ഇരു രാജ്യങ്ങളും തമ്മിലുള്ള ശക്തമായ സാമ്പത്തിക, വാണിജ്യ, നിക്ഷേപ പങ്കാളിത്തത്തിനും അദ്ദേഹം നന്ദി പറഞ്ഞു.
കുവൈറ്റിലെ വാണിജ്യ-വ്യവസായ മന്ത്രി അബ്ദുല്ല ഹമദ് അബ്ദുല്ല അൽ-ജോവാൻ, പരിപാടി സംഘടിപ്പിച്ചതിന് യുഎഇ എംബസിക്ക് നന്ദി രേഖപ്പെടുത്തി. ഇരു രാജ്യങ്ങളെയും ബന്ധിപ്പിക്കുന്ന പാലമെന്ന നിലയിൽ കുവൈറ്റ്, എമിറാത്തി സ്വകാര്യ മേഖലകളുടെ ചരിത്രപരമായ പങ്ക് ഈ സമ്മേളനങ്ങൾ പുനഃസ്ഥാപിക്കുമെന്ന് അദ്ദേഹം ഊന്നിപ്പറഞ്ഞു.
കുവൈറ്റിൻ്റെയും യുഎഇയുടെയും സമ്പദ്വ്യവസ്ഥയെ എല്ലാ മേഖലകളിലും ശക്തിപ്പെടുത്തുന്നതിനും മുന്നേറുന്നതിനും മീറ്റ് സംഭാവന ചെയ്യുമെന്നാണ് പ്രതീക്ഷിക്കുന്നത്
WAM/അമൃത രാധാകൃഷ്ണൻ