ദുബായ്, 30 ഏപ്രിൽ 2024 (WAM) -- യുഎഇയിൽ കനത്ത മഴയുണ്ടായേക്കാമെന്ന ദേശീയ കാലാവസ്ഥ കേന്ദ്രത്തിന്റെ മുന്നറിയിപ്പിനെ തുടർന്ന് വ്യാഴം, വെള്ളി ദിവസങ്ങളിൽ (2024 മെയ് 2, 3) എമിറേറ്റിലെ എല്ലാ സ്വകാര്യ സ്കൂളുകളുടെയും ക്ലാസ്സുകൾ വിദൂര പഠനത്തിലേക്ക് മാറ്റുമെന്ന് ദുബായ് സർക്കാർ ചൊവ്വാഴ്ച അറിയിച്ചു.
വരാനിരിക്കുന്ന കാലാവസ്ഥ പ്രവചനത്തിൻ്റെ സാധ്യതകളെ അഭിമുഖീകരിക്കുന്നതിനുള്ള പദ്ധതി അവലോകനം ചെയ്ത ദുബായിലെ ക്രൈസിസ് ആൻഡ് ഡിസാസ്റ്റർ മാനേജ്മെൻ്റ് സുപ്രീം കമ്മിറ്റി യോഗത്തിലാണ് ഈ തീരുമാനമെടുത്തത്. മോശം കാലാവസ്ഥ സാഹചര്യങ്ങളിൽ കുട്ടികളുടെ സുരക്ഷ ഉറപ്പാക്കാനാണ് ഈ നടപടി.
WAM/അമൃത രാധാകൃഷ്ണൻ