ഷാർജ, 1 മെയ്, 2024 (WAM) -- മെയ് 5 ന് ഇന്ത്യയിലേക്കുള്ള ഒരു വ്യാപാര ദൗത്യം ആരംഭിക്കാൻ ഒരുങ്ങുക്കയാണ് ഷാർജ എക്സ്പോർട്ട് ഡെവലപ്മെൻ്റ് സെൻ്റർ (എസ്ഇഡിസി) പ്രതിനിധീകരിക്കുന്ന ഷാർജ ചേംബർ ഓഫ് കൊമേഴ്സ് ആൻഡ് ഇൻഡസ്ട്രി (എസ്സിസിഐ). ഷാർജയിലെയും ഇന്ത്യയിലെയും ബിസിനസ് കമ്മ്യൂണിറ്റികൾ തമ്മിലുള്ള സഹകരണവും ഏകോപനവും പ്രോത്സാഹിപ്പിക്കുന്നതിനും നിക്ഷേപകർ തമ്മിലുള്ള ആശയവിനിമയം പ്രോത്സാഹിപ്പിക്കുന്നതിനും ഷാർജയുടെ വ്യാവസായിക വാണിജ്യ കയറ്റുമതി വർധിപ്പിക്കുന്നതിനും ഈ ദൗത്യം ലക്ഷ്യമിടുന്നു.
ചെയർമാൻ അബ്ദുല്ല സുൽത്താൻ അൽ ഒവൈസ്, വലീദ് അബ്ദുൾ റഹ്മാൻ ബുഖാതിർ, സിയാദ് മുഹമ്മദ് ഖൈറല്ല എന്നിവരടങ്ങിയ സംഘത്തെ എസ്സിസിഐ നയിക്കും. ചെന്നൈയിലെയും മുംബൈയിലെയും സംരംഭകരുമായുള്ള കൂടിക്കാഴ്ചകൾ, പ്രധാന സ്ഥാപനങ്ങളിലേക്കുള്ള സൈറ്റ് സന്ദർശനങ്ങൾ, ബിസിനസ് ഫോറങ്ങളും സിമ്പോസിയങ്ങളും സംഘടിപ്പിക്കൽ എന്നിവ ഈ ദൗത്യത്തിൽ ഉൾപ്പെടും.
ചേംബർ വാഗ്ദാനം ചെയ്യുന്ന സൗകര്യങ്ങളും പിന്തുണയുള്ള സർക്കാർ സംരംഭങ്ങളും ഉൾപ്പെടെ എമിറേറ്റിൽ നിക്ഷേപം നടത്താൻ ഇന്ത്യൻ കമ്പനികളെ പ്രോത്സാഹിപ്പിക്കുന്ന വൈവിധ്യമാർന്ന അവസരങ്ങൾ പ്രദർശിപ്പിക്കാൻ എസ്സിസിഐ ലക്ഷ്യമിടുന്നു. സഹകരണം വർദ്ധിപ്പിക്കുന്നതിനും സുസ്ഥിര പങ്കാളിത്തം കെട്ടിപ്പടുക്കുന്നതിനുമുള്ള ചേമ്പറിൻ്റെ പ്രതിബദ്ധത ഉയർത്തിക്കാട്ടിക്കൊണ്ട് ഇരു രാജ്യങ്ങളും തമ്മിലുള്ള സാമ്പത്തിക, വ്യാപാര സഹകരണം ഗണ്യമായ വളർച്ചയ്ക്ക് സാക്ഷ്യം വഹിക്കുന്നു.
WAM/അമൃത രാധാകൃഷ്ണൻ