ദുബായ്, 2024 മെയ് 7, 2024 (WAM) -- കഴിഞ്ഞ വർഷത്തെ മൊത്ത ആഭ്യന്തര ഉൽപ്പാദനത്തിൽ (ജിഡിപി) 220 ബില്യൺ ദിർഹം രേഖപ്പെടുത്തി യുഎഇയുടെ സമ്പദ്വ്യവസ്ഥയിൽ 11.7 ശതമാനം ടൂറിസം മേഖല സംഭാവന നൽകിയതായി എമിറേറ്റ്സ് ടൂറിസം കൗൺസിൽ ചെയർമാനും സാമ്പത്തിക മന്ത്രിയുമായ അബ്ദുല്ല ബിൻ തൂഖ് അൽ മർറി ഊന്നിപ്പറഞ്ഞു.
യുഎഇയുടെ ജിഡിപിയിലേക്ക് ഈ വർഷം മേഖല 12 ശതമാനം സംഭാവന നൽകുമെന്ന് പ്രതീക്ഷിക്കുന്നതായി അറേബ്യൻ ട്രാവൽ മാർക്കറ്റ് (എടിഎം) 2024 ൻ്റെ ഉദ്ഘാടന ദിനത്തിൽ സംസാരിച്ച അൽ മർറി, വ്യക്തമാക്കി.
മെയ് 9 വരെ ദുബായ് വേൾഡ് ട്രാവൽ സെൻ്റർ(ഡിഡബ്ല്യുടിസി) ആതിഥേയത്വം വഹിക്കുന്ന എടിഎമ്മിൻ്റെ 31-ാമത് പതിപ്പ്, ഗൾഫ് വ്യാപകമായ സഹകരണം, അന്തർ മേഖലാ യാത്രകൾ, അടിസ്ഥാന സൗകര്യ വികസനം എന്നീ വിഷയങ്ങൾ ചർച്ച ചെയ്യും.
അൽ മറിയുടെ പ്രസംഗത്തെത്തുടർന്ന് ഷാർജ കൊമേഴ്സ് ആൻഡ് ടൂറിസം ഡെവലപ്മെൻ്റ് അതോറിറ്റി ചെയർമാൻ ഖാലിദ് ജാസിം അൽ മിദ്ഫ; സൗദി ടൂറിസം അതോറിറ്റി സി.ഇ.ഒ.ഫഹദ് ഹമീദാദ്ദീൻ, ഒമാനിലെ പൈതൃക, ടൂറിസം മന്ത്രാലയത്തിലെ ടൂറിസം അണ്ടർ സെക്രട്ടറി അസ്സാൻ അൽ ബുസൈദി, ബഹ്റൈൻ ടൂറിസം ആൻഡ് എക്സിബിഷൻസ് അതോറിറ്റിയുടെ സിഇഒ സാറാ ബുഹിജിയും എന്നിവർ പങ്കെടുത്ത ഒരു പാനൽ ചർച്ച നടന്നു. ദുബായ് ഐ അവതാരകൻ റിച്ചാർഡ് ഡീൻ ആണ് സെഷൻ നിയന്ത്രിച്ചത്.
പാനൽ ചർച്ചയിൽ, ലക്ഷ്യസ്ഥാനങ്ങളും രാജ്യങ്ങളും തമ്മിലുള്ള സഹകരണവും മത്സരവും ശരിയായ സന്തുലിതാവസ്ഥയിൽ നിലനിർത്തിക്കൊണ്ട്, ജിസിസി ടൂറിസം വ്യവസായത്തെ അടുത്ത ഘട്ടത്തിലേക്ക് ഉയർത്തുന്നതിൽ അന്താരാഷ്ട്ര-പ്രാദേശിക സംരംഭങ്ങളുടെ പ്രാധാന്യം മന്ത്രിതല പാനൽലിസ്റ്റുകൾ പര്യവേക്ഷണം ചെയ്തു. സുസ്ഥിരത, അടിസ്ഥാന സൗകര്യം, സംസ്കാരം തുടങ്ങിയ ഘടകങ്ങൾക്കൊപ്പം ആസൂത്രണം ചെയ്ത ജിസിസി ഏകീകൃത ടൂറിസ്റ്റ് വിസ ഈ മേഖലയുടെ പ്രധാന സഹായിയായി ഉദ്ധരിക്കപ്പെട്ടു.
ഏകീകൃത വിസ സംവിധാനം ജിസിസി അംഗരാജ്യങ്ങളെ ഒരു ബന്ധിപ്പിച്ച ലക്ഷ്യസ്ഥാനമായി അവതരിപ്പിക്കാൻ അനുവദിക്കുമെന്നും പ്രവേശനക്ഷമത വർദ്ധിപ്പിക്കുമെന്ന് പാനൽ വിദഗ്ധർ പറഞ്ഞു. പ്രദേശത്തുടനീളമുള്ള വിനോദസഞ്ചാരത്തിൻ്റെ ദീർഘകാല സുസ്ഥിരതയ്ക്ക് സംഭാവന നൽകിക്കൊണ്ട്, പ്രാദേശിക ബിസിനസുകൾ, കമ്മ്യൂണിറ്റികൾ, ആവാസവ്യവസ്ഥകൾ എന്നിവയിൽ യാത്രാ വ്യവസായം ഗുണപരമായി സ്വാധീനം ചെലുത്തുന്നുവെന്ന് ഉറപ്പാക്കുന്നത് തുടരുമെന്ന് പ്രഭാഷകർ അഭിപ്രായപ്പെട്ടു.
പുതിയതും നിലവിലുള്ളതുമായ വിമാനത്താവളങ്ങളിലും ക്രൂയിസ് ടെർമിനലുകളിലും നടന്നുകൊണ്ടിരിക്കുന്ന നിക്ഷേപത്തിനു പുറമേ, ആഭ്യന്തര, അന്തർദേശീയ സന്ദർശകർക്ക് മേഖലാ വ്യാപകമായ പ്രവേശനം സുഗമമാക്കാൻ വരാനിരിക്കുന്ന ജിസിസി റെയിൽവേയുടെ പ്രധാന പങ്ക് മന്ത്രിതല സ്പീക്കറുകൾ എടുത്തുപറഞ്ഞു.
ജിസിസി അംഗരാജ്യങ്ങൾക്കിടയിൽ ആരോഗ്യകരമായ മത്സരം തുടർന്നും പ്രതീക്ഷിക്കാമെങ്കിലും, സഹകരണം മേഖലയിലേക്ക് കൂടുതൽ വിനോദ സഞ്ചാരികളെ ആകർഷിക്കുമെന്നതും ശ്രദ്ധേയമായ വസ്തുതയാണെന്ന് അറേബ്യൻ ട്രാവൽ മാർക്കറ്റ് എക്സിബിഷൻ ഡയറക്ടർ എംഇ ഡാനിയേൽ കർട്ടിസ് പറഞ്ഞു. ആഗോള സഞ്ചാരികളെ ആകർഷിക്കുന്ന കാര്യത്തിൽ മേഖലയുടെ ഏകീകൃത ടൂറിസം ഭാവിയെക്കുറിച്ച് വൈവിധ്യമാർന്ന മൂല്യവത്തായ ഉൾക്കാഴ്ചകൾ നൽകിയ ഈ വർഷത്തെ മന്ത്രിതല പങ്കാളികളോട് ഞങ്ങൾ വളരെയധികം നന്ദിയുള്ളവരാണെന്നും അദ്ദേഹം കൂട്ടിച്ചേർത്തു.
WAM/അമൃത രാധാകൃഷ്ണൻ